Komaduan Samuel 23:1-39
23 Saraya so unor a salita nen David:+
“Say salita nen David ya anak nen Jesse,+
Tan say salita na toon niyatagey,+
Say nilanaan+ na Dios nen Jacob,
Say makapaliket a managkansion na* saray kansion+ ed Israel.
2 Nansalita so espiritu nen Jehova diad panamegley ko;+
Walad dilak so salita to.+
3 Nansalita so Dios na Israel;
Inkuan ed siak na Bato na Israel;+
‘No matunong so manguuley ed katooan,+
Tan manguuley a walaay takot ed Dios,+
4 Singa itan liwawa ed kabuasan sano onsinag so agew,+
Sakey a kabuasan ya andiay lurem.
Singa itan liwawa kayari na uran,
A mamapatubo ed dika diad dalin.’+
5 Agta ontan so sankaabungan ko ed arapan na Dios?
Ta sikatoy nanggawa na andi-anggaan a pisisipanan ed siak,+
Ya akadetalye itan ya amin tan napanmatalkan.
Ta mankabaliksan iya na sigpot a kilalaban ko tan amin a liket ko,
Agta satan so rason no akin a papabunaen to itan?+
6 Balet amin ya andi-kakanaan a totoo et nibantak+ a singa saray sabisabit,
Ta ag-iratan naala na lima.
7 No diwiten iratan na sakey a too,
Sikatoy nepeg ya armado na balatyang tan gayang,
Tan nepeg iratan a sigpot a poolan ed kawalaan da.”
8 Saraya so kangaranan na mabibiskeg a sundalo nen David:+ si Joseb-basebet a Takemonita, say pangulo na talora.+ Diad aminsan labat ya impilaban to et masulok a 800 so apatey to ed panamegley na gayang to.
9 Say ontumbok et si Eleazar,+ ya anak nen Dodo+ ya anak nen Ahohi, a sakey ed saray taloran mabibiskeg a sundalon kaiba nen David sanen kinantiawan da ray Filisteo. Nantitipon ira diman pian milaban, tan sanen inmatras iray lalaki ed Israel,
10 sikatoy ag-inmalis ed pasen to tan pinapatey to ray Filisteo ya anggad naksawan so taklay to tan kinmelat iray lima to diad pangeegna to na espada.+ Kanian inter nen Jehova so baleg a pananalo* ed saman ya agew;+ tan pinmawil iray totoo tan tinmumbok irad sikato pian alaen day kaykayarian na saray inaatey.
11 Say ontumbok et si Samah ya anak nen Age a Hararita. Nantitipon iray Filisteo ed Lehi, diad sakey ya uma a napnoy lentehas, tan saray totoo ditan et binmatik lapud saray Filisteo.
12 Balet sikatoy ag-inmalis ed pegley na uma tan inyagel to itan tan pinapatey to ray Filisteo, kanian inter nen Jehova so baleg a pananalo.*+
13 Talora ed saray 30 papangulo so linmad si David diad ungib na Adulam+ legan na panag-ani, tan sakey a grupo* na saray Filisteo et mankakampo ed Lawak* na Refaim.+
14 Walad panag-amotan si David ed saman,+ tan diad Betlehem et wala ray akapueston sundalo na saray Filisteo.
15 Diad saman et imbalikas nen David so pampirawat to: “Makainum ak komoy danum ed bobon a walad abay na puerta na Betlehem!”
16 Kanian pinilit na taloran mabibiskeg a sundalo so makaloob ed kampo na saray Filisteo tan angala ray danum ed bobon a walad abay na puerta na Betlehem tan inawit dad si David; balet ag-itan ininum nen David noagta inyibung to parad si Jehova.+
17 Inkuan to: “Agkon balot iya nagawaan, O Jehova! Inumen ko kasi so dala+ na saray lalaki a linman angipeligroy bilay* da?” Kanian agto itan ininum. Onia ray ginawa na taloran mabibiskeg a sundalo.
18 Si Abisai+ ya agi nen Joab ya anak nen Zeruia,+ so pangulo na sananey nin talora; diad panamegley na gayang to et masulok a 300 so apatey to, tan sikatoy akabkabat met a singa samay talora.+
19 Anggaman sikato so sankabantogan ed sananey nin talora tan sikatoy pangulo ra, agto akapipara ed rangko na samay inmunan talora.
20 Si Benaias+ ya anak nen Jehoiada et sakey a makpel a laki, a dakdakel so agawaan to diad Kabzeel.+ Pinatey toy duaran anak a lalaki nen Ariel a taga Moab, tan linmasur ed bobon diad agew ya onuuran na niebe tan pinatey toy sakey a leon.+
21 Pinatey to met so sakey ya Ehipsio a nikadkadumay kabaleg to. Anggano akabemben na gayang imay Ehipsio, sikatoy nilabanan to ed panamegley na baston tan sinamsam to imay gayang ed lima na Ehipsio tan satan a mismo so impamatey tod sikato.
22 Onia ray ginawa nen Benaias ya anak nen Jehoiada, tan sikatoy akabkabat a singa samay taloran mabibiskeg a sundalo.
23 Anggano sikatoy mas bantog ed saray talomplo, agto akapipara ed rangko na samay talora. Balet sikatoy tinuro nen David bilang manunaan ed saray guardia to.
24 Si Asael+ ya agi nen Joab so sakey ed saramay talomplo; si Elhanan ya anak nen Dodo a taga Betlehem,+
25 si Samah a Harodita, si Elika a Harodita,
26 si Helez+ a Paltita, si Ira+ ya anak nen Ikes a Tekoita,
27 si Abi-ezer+ ya Anatotita,+ si Mebunai a Husasita,
28 si Zalmon ya Ahohita, si Maharai+ a Netofatita,
29 si Heleb ya anak nen Baanah a Netofatita, si Ittai ya anak nen Ribai a taga Gibea tan sakey a Benjaminita,
30 si Benaias+ a Piratonita, si Hidai a nanlapud saray kulos* na Gaas,+
31 si Abi-albon ya Arbatita, si Azmavet a Barhumita,
32 si Eliaba a Saalbonita, saray ananak nen Jasen, si Jonatan,
33 si Samah a Hararita, si Ahiam ya anak nen Sarar a Hararita,
34 si Elifelet ya anak nen Ahasbai ya anak na sakey a Maacatita, si Eliam ya anak nen Ahitofel+ a Gilonita,
35 si Hezro a Carmelita, si Paarai ya Arbita,
36 si Igal ya anak nen Natan a taga Zoba, si Bani a Gadita,
37 si Zelek ya Ammonita, si Naharai a Beerotita, say manag-awit na armas nen Joab ya anak nen Zeruia,
38 si Ira ya Itrita, si Gareb ya Itrita,+
39 tan si Urias+ a Heteo—37 ya amin.
Paimanod leksab
^ Odino “Samay makapaliket ed.”
^ Odino “kililiktar.”
^ Odino “kililiktar.”
^ Odino “Abeban Patar.”
^ Odino “kampon kawalaan na saray tolda.”
^ Odino “kamarerwa.”