Kurugiirira ahari Baibuli, twena turi abasiisi. Tukahungura omuze gw’okushiisha kuruga aha mushaija w’okubanza, Adamu. Niyo nshonga ahabw’enki obumwe nitukora kubi, reero bwanyima twefuuza. Omwana wa Ruhanga, Yesu Kristo akashashurira ebibi byaitu arikutufeera. Ekitambo kye kikatuteeraho omuhanda gw’okusaasirwa. N’ekiconco kuruga ahari Ruhanga.—Shoma Abarooma 3:23, 24.

Abantu abamwe abaakozire ebibi by’amaani, nibeebuuza yaaba Ruhanga naabaasa kubasaasira. Ekirungi, Ekigambo kya Ruhanga nikigira kiti: ‘Eshagama ya Yesu Kristo Omwana we neeguma neetwozyaho ebibi byona.’(1 Yohaana 1:7) Yehova ayeteekateekire kutusaasira ebibi by’amaani twayeteisize kimwe.—Shoma Isaaya 1:18.

Twaba nitwenda ngu Ruhanga atusaasire, twine kumanya emihanda ye, obuhabuzi bwe, n’ebi arikutwenza. (Yohaana 17:3) Yehova naasaasirira kimwe abarikweteisa ebibi ebi bakozire kandi bakahinduka.—Shoma Ebyakozirwe 3:19.

Tikigumire munonga kugaruka kusiimwa Ruhanga. Yehova naayetegyereza obweremwa bwaitu. Aine embabazi n’esaasi. Eki tikirikukureetera kwenda kwega bingi aha ku orikubaasa kumushemeza?—Shoma Zaaburi 103:13, 14.