Modimo o tlo go Direla Dilo tše Dibotse Tšeo di Tlago go ba Gona go ya go Ile
Na o fela pelo ya go tlo bona mo lefaseng go se sa na dintwa, bošoro le lehloyo?
Na o duma okare nkabe o sa lwale, o sa welwe ke mathata e bile o sa hwe?
Na o duma okare nkabe o sa tshwenyege le go belaela ka selo?
Na o duma okare nkabe o dula moo go sa felego go eba le dikotsi tša tlhago?
Ka ge Modimo a re rata, o re bopetše lefase le lebotse, e bile o re tshepiša gore re tlo phela go lona go ya go ile, re thabile e bile re na le khutšo. Taba ye ga se nonwane.
Dihlogong tše di latelago, re go mema gore o naganišiše ka dipotšišo tše:
Na Modimo o a re rata?
Lentšu la Modimo le na le molaetša ofe?
Baporofeta ba Modimo ba boletše dilo dife tše dibotse tšeo Modimo a re direlago tšona gona bjale le tšeo a sa tlago go re direla tšona nakong e tlago?
Re ka dira eng gore re thabe gona bjale le gore re tle re hwetše dilo tše dibotse tšeo Modimo a re tshepišago gore o tlo re direla tšona nakong e tlago?
A re thomeng pele ka go bolela ka dilo ka moka tše dibotse tšeo Modimo a re direlago tšona gona bjale, go bontšha gore o a re rata.
