Diema 4:1-27
4 Barwa ba ka, theetšang tayo ya tatago lena.E theetšeng gomme le tla hlalefa.
2 Ka gobane ke tla le nea dikeletšo tše dibotse.Le se ke la tlogela dilo tšeo ke le rutago tšona.*
3 Ke be ke le morwa yo a kwago tate.E bile ke le mmamoratwa wa mma.
4 O be a nthuta a re: “Anke o bee mantšu a ka pelong ya gago.
Boloka ditaelo tša ka gomme o tšwele pele o phela.
5 Leka ka thata gore o hwetše bohlale, o hwetše le kwešišo.
O se ke wa lebala dilo tšeo ke go botšago tšona e bile o se ke wa di furalela.
6 O se ke wa tlogela bohlale gomme bjona bo tla go šireletša.
Bo rate gomme bo tla go hlokomela.
7 Bohlale ke selo sa bohlokwa seo o ka bago le sona. Ka gona, leka ka thata gore o bo hwetše.Go tlaleletša go dilo ka moka tšeo o ka bago le tšona, leka ka thata gore o hwetše le kwešišo.
8 Tšea bohlale e le bjo bohlokwa gomme bjona bo tla go phagamiša.
Bo tla go phagamiša ka gobane o bo amogela ka pelo ka moka.
9 Bo tla go rweša kgare ya go dirwa ka mapolomo a mabotse hlogong ya gago.Gomme bja go kgabiša ka mphapahlogo o mobotse.”
10 Morwa wa ka, theetša gomme o boloke dilo tšeo ke di bolelagoGomme o tla phela nako e telele.
11 Ke tla go ruta gore o be le bohlale.Ke tla go hlahla gore o sepele tseleng ya go loka.
12 O ka se šitišwe ke selo ge o sepela,O ka se kgopše ke selo ge o kitima.
13 Amogela tayo yeo o e fiwago, o se ke wa e tlogela.
Dula o gopola tayo ka gobane e tla go thuša gore o phele.
14 O se ke wa ekiša boitshwaro bja batho ba babeE bile o se ke wa ekiša dilo tšeo ba di dirago.
15 Gana dilo tšeo ba di diragoGomme o be kgole le tšona.
16 Ka gobane batho ba babe ga ba robale ba sešo ba dira dilo tše mpe.
Le gona ba ka se swarwe ke boroko ba sešo ba kweša motho yo mongwe bohloko.
17 Dilo tše mpe le tše šoroDi bjalo ka beine le borotho go bona.
18 Eupša tsela ya baloki e bjalo ka seetša sa mesong,Seo se phadimago ganyenyane-ganyenyane go fihlela e eba mosegare wa sekgalela.
19 Batho ba babe ba swana le batho bao ba sepelago leswiswing.Ga ba tsebe seo se dirago gore ba kgopše.
20 Morwa wa ka, ekwa mantšu a kaGomme o theetše gabotse dilo tšeo ke di bolelago.
21 O se ke wa di lebala.Di boloke ka pelong ya gago.
22 Bao ba di hwetšago ba tla phelaGomme mebele ya bona ya dula e phetše gabotse.
23 Šireletša pelo ya gago go feta dilo ka moka tšeo o di šireletšagoKa gobane e tla dira gore o phele.
24 O se ke wa bolela maakaE bile o se ke wa dumelela molomong wa gago go etšwa mantšu a bofora.
25 Mahlo a gago a lebelele ka pele ga gago,Le gona a se ke a lebelela ka lehlakoreng le letona goba le letshadi.
26 Tloša dilo tšeo di ka dirago gore o kgopše tseleng ya gagoGomme tsela ya gago e tla ba yeo e šireletšegilego.
27 O se ke wa ya ka go le letona goba le letshadi.
Phema go dira dilo tše mpe.
Mengwalo ya tlase
^ Goba “molao wa ka.”
