Ba go tlala ba mmušo lefaseng ka mokana ga lona ba re di nyaka batho ba sa be thina le thina fote ba re batho ba sa sa gahlana ga poleke ka yyoši. Dihlatse tsa Jehova di nyoko theetsela melawo yowa mara di ko ba di kene di gahlana ka mokgwa wa gore wo pasopegiye. Gore tsotsone di kgonege, diphutego di tshwara megahlano di berekisa mekgwa ya dividiyo, ya go tshwana le Zoom.

 Mogoba wa go Lawola wo dumele gore tšheleta ya moneyelo yi berekisiwe go rekela diphutego diakhawonto tsa Zoom gore re dule re tshwara megahlano ya rune ka mokgwa wa gore wo pasopegiye. Sowa se gelepiye diphutego tsa go tlala tsa gore ke mo di šitega le mong go patela akhawonto ya vidiyo, ya gore yi teya gana hala ga R258.65 le R344.87 kela le go feta gana hone. Ga go tlala, diphutego tsowa ke mo di berekisa matheto ya gore motho aa reke akhawonto fote ma kgera nombhoro ya bo ba kgonang go kena ma boya ma sa pasopega. Diphutego ka mokana ga tsona tsa gore di berekisa diakhawonto tsowa tsa Zoom di gelepa ke mekgwa ya gore yi lula go yi berekisa ya gore yi dumelela batho ba go tlala gore ba thogo kena ga mogahlano wo mongwana le wo mongwana. Go segela gana byalo, diphutego tsa gore di berekisa diakhawonto tsowa di teya ka ku ga 65 000 ga dinaga tsa go teya ka ku ga 170.

 Hala ga Phutego ya Kairagi, ku Manado, ho ba reng ke North Sulawesi, Indonesia, ba yye ba lesetsa mokgwa wowa wa go gahlana ka akhawonto ya go sa patediwa ke mokane ba kena ga akhawonto ya Zoom ya mokgahlo. Mogageru Hadi Santoso mo a hlatolla o re: “Le mong magageru ya gore tso tsa go potapota tsa theknoloji di sa ba tshwarisiye letogo, ba kgona go kena ga mogahlano wa rune ba yi kwa ka mokana ga yona, a di sa nyaka gore ba kene gatleletlele ga mogahlano ka wwoši.”

 Lester Jijón, Jr. ke mogolo ga Phutego ya Guayacanes Oeste hala Guayaquil, ku Ecuador, o re: “Wa tšiba magageru ya go tlala ma kwalele ka matla ka taba la seyemo sa ditšheleta, ka nnete ke mo di ka sa make gore diphutego tse dingwana di kgone go patela layisense ya Zoom gore phutego ka mokana ga yona yi thogo ba le mogahlano. Ka gore gana byalo Zoom yo re yi berekisang a yi sa kgera nombhoro ya batho bo ba kgonang go kena, re kgona go mema batho ba bangwana gore ba tle mogahlanong wa rune re sa tšhoge gore yi ka kgera nombhoro ya bo ba kgonang go kena.”

 Johnson Mwanza ke mogolo ga Phutego ya Ngwerere North hala Lusaka, Zambia, o ngwadiye gore: “Magageru ma hlayye ga tleletlele gore, ‘taba ya gore mokgahlo wo re lukiselele diakhawonto tsa Zoom di maka gore re kwe re le thina le magageru fote re kwa Jehova a re pasopa a boya a šupetsa gore o re nyaka ka matla.’”

 Diakhawonto tsowa tsa mokgahlo di rekiwwe ka tšheleta ya gore ke mo yi beyiwwe gore yi nyoko berekisiwa mo go ka nyarela dikotsi tsa hlago. Tšheleta yone yi tšwa ga moneyelo wa lefase ka mokana ga lona wa gore motho o kwile di mo tšhofa gore a wo ntshe. Ga go tlala meneyelo yowa yi ntshiwa ga donate.isa4310.com. Re leboga ka matla ho le kene le šupetsa gore a le konane ka moneyelo wa lune, ka taba la gore yi gelepa le ga mebereko ye mengwana ya lefase ka mokana ga lona.—2 Makorente 8:14.