Mtjhumayeli 1:1-18
1 Amezwi womhlanganisi,+ indodana kaDavida, ikosi yeJerusalema.+
2 “Kulilize lakolize!” Kutjho umhlanganisi,“Kulilize lakolize! Koke kulilize!”+
3 Umuntu ufumana ini kiwo woke umsebenzakhe obudisiAwenza budisi ngaphasi kwelanga?+
4 Isizukulwana siyadlula begodu isizukulwana siyeza,Kodwana iphasi lihlala ngokungapheliko.+
5 Ilanga liyaphuma bese liyatjhinga;
Libuyela ngokurhabako endaweni eliphuma kiyo godu+
6 Umoya utjhinga esewula, ubhodele ngetlhagwini;Ubhode njalo ubuyele emzombenawo.
7 Yoke imilanjana igelezela elwandle, kodwana ilwandle alikagcwali.+
Endaweni lapho imilanjana igelezela khona, ibuyela khona bona igeleze godu.+
8 Zoke izinto ziqeda amandla;Akunamuntu okghona ukukhuluma ngazo.
Ilihlo alaneliseki ngokubona;Indlebe ayidinwa ukuzwa ngazo.
9 Ekhekwaba khona kuzokuba khona godu,Nokukhe kwenziwa kuzokwenziwa godu;Akunanto etja ngaphasi kwelanga.+
10 Ikhona na into umuntu angathi ngayo, “Qala, yitja”?
Ikhe yaba khona ekadeni;Ikhe yaba khona ngaphambi kwesikhathi sethu;
11 Akunamuntu okhumbula abantu beenkhathi zekadeni;Namkha ozokukhumbula labo abazokuvela ngokukhamba kwesikhathi;Begodu angeze bakhunjulwe ngilabo abazokuba khona ngokukhamba kwesikhathi.+
12 Mina mhlanganisi, ngibe yikosi phezu kwaka-Israyeli eJerusalema.+
13 Ngenze ihliziywami bona ifunde bese ihlole ngokuhlakanipha+ koke okwenziwe ngaphasi kwezulu,+ umsebenzi obangela isizi uZimu awunikele amadodana wabantu bona bawenze.
14 Ngibone yoke imisebenzi ebeyenziwa ngaphasi kwelanga,Begodu qala! Koke bekulilize, kukugijimisa umoya.+
15 Okugobekileko angekhe kwaluleka,Begodu okutlhayelako angekhe kwabalwa.
16 Nje-ke ngithe ehliziywenami: “Qala! Ngifumene ukuhlakanipha okukhulu, ukudlula nanyana ngubani okhe waba khona eJerusalema+ nehliziywami ifumene ukuhlakanipha okukhulu nelwazi.”+
17 Ngilinge ngamandla bona ngazi ukuhlakanipha, ngazi ukungabi nengqondo nobudlhadlha,+ nakho lokhu kukugijimisa umoya.
18 Ngombana ukuhlakanipha khulu kuletha isizi elinengi,Yeke nanyana ngubani owandisa ilwazi, wandisa nobuhlungu.+