•   “Inarha ye-China ibike ukuthi ihlobo lomnyaka lo, belitjhisa ngendlela engakhange ibonwe.”—The Guardian, Septemba 7, 2022.

•   “Ezinye iingcenye ze-Afrika zizokuqalana nesomiso iminyaka emihlanu ilandelana.”—Iindaba ze-UN, Arhostosi 26, 2022.

•   “Kunengozi yokuba nesomiso eengcenyeni ze-Europe, okubujamo obumbi khulu ekhe benzeka eminyakeni ema-500.”—Iindaba ze-BBC, Arhostosi 23, 2022.

 Izazi ezinengi zithi kungenzeka isomiso esiqalene naso singapheli kunalokho sibe simbi ukuya phambili. Kghani likhona ithemba ngengomuso? Lithini iBhayibheli?

 IBhayibheli labikezela ukuthi emihlenethu:

•   “Kuzokuba . . . nokutlhayela kokudla eendaweni ngeendawo.”—Lukasi 21:11.

 Isomiso senza ukudla kutlhayele. Ukutlhayela kokudla, ukutlhaga nokuhlongakala okubangelwa sisomiso kuzalisa isiphorofido seBhayibheli.—IsAmbulo 6:6, 8.

 IBhayibheli liyasitjela ukuthi kubayini isomiso sirhagala kangaka. Lithi:

•   “Umuntu akakghoni ukunqophisa ngitjho namagadangwakhe.”—Joromiya 10:23.

 Lokhu kutjho ukuthi abantu angekhe bakghona ‘ukunqophisa amagadangwabo’ namkha bazibuse ngokuphumelelako. Iinqunto zabo ezingakalungi kanengi zenza kube nesomiso nokutlhayela kwamanzi.

•   Abososayensi abanengi bayavuma ukuthi izinto ezenziwa babantu, zibangele umtjhiso omkhulu, owenza kube nesomiso ephasini mazombe.

•   Izenzo zabantu abamarhamaru nalabo ababeka imithetho bangacabangi ngengomuso zibangela ukuphela kwamahlathi, ukusilaphala kwebhoduluko nokungasetjenziswa kuhle kwemvelo okwenza umjikelezo wamanzi aligugu uthikaziseke.

 Nanyana kunjalo iBhayibheli lisinikela ithemba.

 IBhayibheli lithembisa ukuthi uZimu uzowurarulula umraro wokutlhayela kwamanzi. Njani?

1.  1. UZimu ‘uzokutjhabalalisa labo abatjhabalalisa iphasi.’ (IsAmbulo 11:18) Uzokususa izinto ezibangela ukutlhayela kwamanzi—abakhohlakeleko nabantu abamarhamaru abasilaphaza ibhoduluko ngezenzo zabo.—2 Thimothi 3:1, 2.

2.  2. “Ihlabathi eyonyiswe mtjhiso izokuba mlambo onemihlanga.” (Isaya 35:1, 6, 7) UZimu uzokulungisa umonakalo obangelwe sisomiso begodu enze iphaseli libe lipharadesi elinamanzi aneleko.

3.  3. “Utlhogomela iphasi,Ulenze lithele inala begodu linothe.” (IRhubo 65:9) Ngebanga lesibusiso sakaZimu, iphasi lizokuba nokudla okunengi okumnandi namanzi ahlwengileko anele woke umuntu.