Kungakghoneka Na Bona Waneliseke?

“Ukwaneliseka kwenza indoda ekhwahlileko bona injinge; ukunganeliseki kwenza indoda enjingileko bona ikhwahle.”—Benjamin Franklin.

NGOKUVUMELANA nesageso, abanengi bafunde bona ukwaneliseka angekhe kwathengwa. Akurari bona ukwaneliseka—amazizo wangaphakathi wokwaneliseka—kubonakala kubudisi ukukufumana ephasini elithuthukisa isifiso sokuba nezinto ezinengi, ukuphumelela khulu namtjhana ipilo ethabelwa ngabanye! Izinto ezilandelakwezi zibe nomthelela kuwe na?

• Ababukisi bakudindela ngemilayezo yokobana ukwaneliseka ungakufumana ngokuthenga izinto ezinengi.

• Ukuphalisana esikolweni namtjhana emberegweni kukukhuthaza bona umede ukuphumelela kwakho ngalokho abanye abakghona ukukwenza.

• Abantu abakuthokozi obenzela khona.

• Abangani bakwenza umonakalele izinto abanazo.

• Iimbuzwakho eqakathekileko ngokuphila ayiphendulwa.

Uqalene nobudisi obunjalo, kuyakghoneka kwamambala na bona waneliseke? Umpostoli uPowula wakhuluma ngefihlo ‘yokwaneliswa.’ Ngezinye iinkhathi waba nezinto ezinengi, ngezinye iinkhathi waba nezincani. Wahlonitjhwa bangani bakhe kodwana abanye bamtshima. Wathi: “Ngifundile ukwaneliswa ngalokho enginakho.”—KwebeFilipi 4:11, 12.

Ukwaneliseka yifihlo kilabo abangakhenge bathathe amagadango wokukufumana, kodwana njengombana uPowula atjhwile, kungafundwa. Kwanje sikumema bona ucabangele iimfihlo ezihlanu zokwaneliseka ezifumaneka eLizwini lakaZimu, iBhayibhili.