¡NOCHIPA XKITSTO!
2022: Melak teajman tlen opanok | ¿Tlenon kijtoua Biblia?
Ipan 2022, melak miyek otijkakkej ipan noticias itech guerras, kenon miyekej xkipiayaj tomin niman kenon miyekan otlaixpoliuj. San Biblia techijlia tleka panoua nochi yejuin.
¿Tlenon kijtosneki nochi tlen opanok ipan 2022?
Nochi tlen opanok ipan yejuin xiuitl más kuajli techititia ika tinemij ipan se tiempo tlen Biblia kitokayotia “itlamiyan tonaltin” (2 Timoteo 3:1, Traducción del Nuevo Mundo). Niman yejuin tiempo opeuj ipan 1914. Kuajli xkita ika yejuin techititia ika nochiujtok tlen Biblia yokijtojka ika panoskia.
“Guerras” (Mateo 24:6).
“2022: Ipan Europa melak onochiujkej guerras ijkon ken yeuejkaui”. a
Xkita tlamachtijli “Rusia invade Ucrania”.
“Apistli” (Mateo 24:7).
“2022: Ipan yejon xiuitl melak miyekej xkipiayaj tlen kikuaskej”. b
Xkita tlamachtijli “Guerra tlen onka Ucrania kichiua ika mapatioua tlen tikuaskej”.
“Kualolistli” (Lucas 21:11).
“Miyekej oksejpa kipiyaj kokolistli tlen itoka polio, viruela del mono niman COVID-19. Nochi yejuin techititia ika onkatij kokolistin tlen temojtijkej niman ika xmás titlaxikouaj”. c
Xkita tlamachtijli “6 Millones yomijkej ipampa COVID-19”.
“Miyek tlajtlamach temojtij nesis” (Lucas 21:11).
“Ipan 2022, ipan xopantlaj miyekan melak otonatik, otlauak, otlachichinauj niman otlaapachiuj. Nochi yejon san yokichiuj ika miyekan matlaixpoliui, miyekej mamikikan niman ika oksekimej oksekan machantitij”. d
Xkita tlamachtijli “Melak tona ken xkeman panouaya”.
“Nouijsokilistin” (Lucas 21:9).
“Miyekej xkuelitaj pampa xonka tomintsin niman más pampa melak yotlapatiouak. Ipampa yejuin, ipan 2022 más yokixnamijkej gobierno”. e
Xkita tlamachtijli “Nochiuiyan melak tlapatioua”.
¿Tlenon panos ipan xiuitl 2023?
Xakaj kimati tlenon panos ipan 2023, san ika, kema tikmatstokej ika iyejkotika ijkuak iTekiuajyo toTajtsin tlayektlalis ipan tlaltikpaktli (Daniel 2:44). Yejon Tekiuajyotl kipopolos nochi tlen techtlajyouiltia niman noijki nochiuas tlen toTajtsin kineki ipan tlaltikpaktli (Mateo 6:9, 10).
Melak mitspaleuis tla tikchiua tlen Jesús okijto niman tla titlatlachixtok, ijkon tikitas ika teotlajtoltin melauak inochiujtokej (Marcos 13:37). Tla más tikneki tikmatis kenon Biblia uelis mitspaleuis niman kenon kualtsin tinemis iuan mochanejkauan ika tlayekapan, xtechuajnotsa.
a Jill Lawless: “2022 Was Year the Horror of War Returned to Europe,” AP News, 8 de diciembre de 2022.
b “Miyekan xonka tlen kikuaskej”, Programa Mundial de Alimentos.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.
d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 de octubre de 2022.
e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.
Puede que también le interese
AMATL TEKAKISTILIJKETL
Sa achijtsin poliui ijkuak toTajtsin kipopolos nochi tlen tetlajyouiltia
¿Kenon tikmatij ika sa achijtsin poliui ijkuak toTajtsin kipopolos tlajyouilistli?
ENSEÑANZAS IMPORTANTES DE LA BIBLIA
¿Tlenon kijtosneki iTekiuajyo toTajtsin?
Jesús más otemachti itech iTekiuajyo toTajtsin, xijkon ken itech okseki. Melak yeuejkaui ika akin kichiuaj ken Cristo kitlajtlantokej mauajla iTekiuajyo toTajtsin.
TOTECHKOPA
Xteijli mamitstlajpalotij
Xkita tlen Biblia temachtia noso xmati más itech iteixpantijkauan Jehová.
