ToTajtsin kineki matinemikan ika yolseuilistli niman ika pakilistli nochipa ipan se xochitlalpan.

Tejua kanaj uelis tiknemilis: “¿Yemelak ijkon uelis ninemis?”. Biblia kijtoua ika iTekiuajyo toTajtsin ijkon kichiuas. ToTajtsin kineki ika nochimej tlaltikpakchanejkej makixmatikan iTekiuajyo niman tlen kineki kichiuas topampa (Salmo 37:11, 29; Isaías 9:7).

ToTajtsin kineki kuajli matinemikan.

Ijkon ken se tajtli tetlasojtlani kineki melak kuajli manemikan ikoneuan, toTajtsin iluikakchane kineki ika tejuamej nochipa matinemikan ika pakilistli (Isaías 48:17, 18). Yejua kijtoua ika akin “kichiuas tlen Dios kineki nemis para nochipa” (1 Juan 2:17).

ToTajtsin kineki matiktlakamatikan.

Biblia kijtoua ika akin otexchijchiuj kineki techititis ojtli tlen yejua iyaxka niman ijkon ompa matinejnemikan (Isaías 2:2, 3). Yejua kiyekana ikalpan akin “noteneuaskej ikan itokatsin” niman ijkon manoteijli tlen yejua kineki ipan nochi tlaltikpaktli (Hechos 15:14).

ToTajtsin kineki san sekan matikueyichiuakan.

Tlaneltokijli melauak xkinxeloua tlaltikpakchanejkej, tlen kema kichiua ika san sekan manemikan ika tlasojtlalistli (Juan 13:35). ¿Akinomej kinmachtijtokej tlakamej niman siuamej ipan nochi países san sekan makitekichiuilikan toTajtsin? Timitstlajtlaniliaj xkita ipan yejuin amatlajkuilojli akinomej ijkon kichiujtokej.