Azi anzɛ̃ na lo ti nvɛ̃nɛ tɛ agbia ti lɛ gigi olo, wa ala na gwɛ̃ tɛ agbia mɛ ala lengbi ti kpãngɔ bɛ la na ndo ala. Lapolo kɔi mɛ asi na bulu ti 2023 tɛnɛ ya, agbia ti guvɛrnɛma adu azi ti uzu mɛ ta azi ndo kpã bɛ ala na ndo la ma. a

 Ngbangɔ ndo tɛnɛ tɛnɛ ti guvɛrnɛma mɛ alengbi ti kpãngɔ bɛ na ndo ni nga ti mbilimbili mɛ ta lo ndo ye kanyaka ma. Guvɛrnɛma ni adu Lo-lengɔ Gbia tɛ Nzapa, wa Gbia ti Lo-lengɔ Gbia ni adu Yezo Kristo.—Yisaya 9:7.

 Ye mɛndó Yezo li na ngoi mɛndó lo ge lɛ sese afa ya, lo ndo ma vundu tɛ azi. (Matie 9:35, 36) Na lo mɛ ya, lo du Gbia ti Lo-lengɔ Gbia tɛ Nzapa ko, angbã yakere lo na kpãngɔ mbilimbili ná siriri hɛ̃ azi mɛ aye Lo-lengɔ Gbia tɛ lo.—Nzembo 72:12-14.