Mbela onda tegelelwa ndi ninge Onzapo yaJehova, ngele onda tameke okukonakona Ombiimbeli nadho?
Hasho nando, ihe oshi ikolelela kungoye mwene. Aantu omamiliyona ohaya nyanyukilwa okukonakona Ombiimbeli natse, ihe inaya ninga Oonzapo dhaJehova. a Elalakano lyetu lyokukonakona naantu, oku yu ulukila shoka Ombiimbeli tayi longo. Shampa wa mono shoka Ombiimbeli tayi longo, etokolo oli li miikaha yoye, oshoka eitaalo oshinima shopaumwene. — Josua 24:15.
Otandi vulu ngaa okulongitha Ombiimbeli yandje pekonakono?
Eeno. Nonando ohatu longitha Ombiimbeli ndjoka yi li pethimbo yo-New World Translation of the Holy Scriptures ndjoka ya tolokwa momalaka ogendji nohatu yi gandjwa komuntu oshali ngoka e yi hala, otashi ka kala oshiwanawa ngele owa longitha Ombiimbeli yoye. Oto vulu okwiilonga kombinga yetumwalaka lyOmbiimbeli li na ko nasha netegameno nosho wo nehupitho konyala mOmbiimbeli kehe.
Omolwashike Oonzapo hadhi konakona naantu kaaye shi yeitaalo lyadho?
-
Ohole yetu yokuhola Jehova Kalunga, oyo hayi tu inyengitha, molwaashoka okwa hala Aakriste ya longe yalwe shoka yi ilonga. (Mateus 22:37, 38; 28:19, 20) Oshi li uuthembahenda uunene okukala “aalongi pamwe naKalunga,” mokukwathela aantu yi ilonge shoka Oohapu dhe tadhi longo. — 1 Aakorinto 3:6-9.
-
Ohole yetu yokuhola aantu ooyakwetu nayo oyo hayi tu inyengitha. (Mateus 22:39) Ohatu mono enyanyu, mokulombwela yalwe iinima iiwanawa mbyoka twi ilonga. — Iilonga 20:35.
a Iizemo yaashoka twa ninga po. Mo 2022 otwa ninga omakonakonombiimbeli 5 666 996 omwedhi kehe, notwa konakona naantu ya yoolokathana. Ihe aantu owala 145 552 ya ninginithwa ye li Oonzapo dhaJehova omumvo ngoka.
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Oonzapo dhaJehova odhi itaala shike?
Tseya kombinga yiinima 15 mbyoka twi itaala.
KOMBINGA YETU
Mbela Ombiimbeli ohayi konakonwa ngiini?
Oonzapo dhaJehova odha tseyika nawa kutya ohadhi konakona naantu Ombiimbeli oshali. Tala nkene hadhi shi ningi.
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.