Mare Inoshandiswa pa Basa ro Zvapupu zva Jehovha Inovha Kwapi?
Basa redu rokucumaera rinobesehwa ngo mupiro jinoizwa ngo Zvapupu zva Jehovha. Patinoita musongano jedu apana anofamba no paratu kuti idihwe mare zve atipagari cogumi. (Mateu 10:7, 8) Asi tino mabhokisi ari pandau yatinonamatira, kuitira vandhu vanoda kuita mupiro. Apana wakagajwa kuti atarire mazina o vandhu vanoita mupiro.
Thangwe rimwe rinotiita kuti titame kupeja mare yakawanda ngo rokuti apana vakuru vanopocera mare. Kunja kwaizvi, Zvapupu zva Jehovha azvipagahwi ngo kuita basa rokucumaera nyumba ngo nyumba, ndau jedu jokunamatira jakaezanana.
Mupiro jese jinoizva jinotumihwa ku hofisi yo Zvapupu zva Jehovha, zve jinoshandiswa kuitira kubesera vanowihwa ngo ngozi jinoitika jega, kubesera mamisionario, vavonereri vondharaundha, kubesera kuvaka ndau jedu jokunamatira munyika jiri kuengejeka vacumaeri zve kudhindwa no kutumihwa ko maBhaibheri pomwe no mabhuku amweni o ciKristu.
Mundhu umwe nga umwe anoita cisungo pacake co kuita mupiro kuitira kubesera zvinodiwa ,kubesera basa redu rinoitwa pasi pese, kana kutoita mupiro kuitira zviro zvese zvo zviviri. Ungano jese jinoita ripoti jecivhunja vapurutani mutego unonga waithwa mupiro pomwe no mare inonga yashandiswa.
Zvimweni Zvamungadakarira nga Izvi:
‘Cipo Ciri Munyara Kuitira Jehovha’
‘Cipo Ciri Munyara Kuitira Jehovha’
Kudari tikapa ngo mwoyo wese, tinokhombija kuti tinoda Jehovha, zve ici ndicona cipo cakanaka catingamupa.
NGO PAMUSORO PEDU
Kumbiranyi Kuvhakacihwa
Kuitira kukumbira kuvhakacihwa kuti mubhuisane ngo pamusoro po shwiro jo Bhaibheri kana kuda kuziva ngo pamusoro po urongwa hwedu hwo jijo yo Bhaibheri icikapagahwi, presherinyi forimurariyo iri mu saiti jw.org.