Izisebenzi zifaka iphayiphi enkulu yamanzi zisebenzisa imitshina emibili yokugebha. Ngemuva ngale kukhanya isakhiwo samawofisi.

Kufakwa amaphaneli azabe engumduli waphandle. Imibala kanye lendlela amaphaneli la enziwe ngayo kuhambelana leguma.

Izisebenzi zilolonga i-floor zisebenzisa imitshina yakhona. Ukwenza njalo kunceda ukuthi i-floor le ibe butshelezi njalo iqine.

Phakathi laphakathi komfanekiso lo, izisebenzi zilungisa lapho okuzabe kupakwa khona izimota. Esandleni sokunxele ivurandi elenziwe ngensimbi elihlanganisa izakhiwo ezimbili seliphelile ukwakhiwa. Ngale ngemuva kukhanya isakhiwo sestudiyo lese-maintenance.

Eduzane lezindlu zokuhlala eziku-A, isisebenzi sihlola indawo ukuze sibone lapho okumele kulungisiswe khona. Izihlahla kanye lezinye izimila ezicecisa indawo zahlanyelwa kusaqalisa ukwakhiwa ukuze nxa umsebenzi usuphelile lazo zibe sezikhululile.

Izisebenzi zipenda phansi lapho okuzabe kupakwa khona izimota. Omunye ugqoke izicathulo ezenza ukuthi kungasali kubhalile phansi. Ipenda le kayisubuki masinya njalo igeziseka lula nxa ingachithekela i-oyili.

Kuqunywa amaketane azasetshenziswa ukulengisa ama-heater azakwenza ukuthi isakhiwo sihlale sikhudumala.

Kupendwa phakathi kwesakhiwo samawofisi. Phezulu kulemitshina yokukhudumeza lokuqandisa iwofisi ngayinye egoqelwe ngamaphepha amnyama ukuze ingangcoli.

Kulungiswa lapho okuzabe kuyindawo yokwamukela izihambi.

Kusetshenziswa umtshina wokuphakamisa izinto ukuze kufakwe amawindi.

Abamagetsi balungisa intambo zamakhompiyutha leze-inthanethi. Intambo lezi zihamba ngaphansi kwe-floor njalo sezizonke zingafika amakhilomitha angu-200. Indlela i-floor ngayinye enziwe ngayo yenza kube lula ukulungisa intambo lezi nxa kungadingakala.

Abakuhlangothi olubona ngokuvikeleka kwezisebenzi baprakthiza indlela abangahlenga ngayo umuntu owe ku-scaffold walenga ngebhanti.

Isisebenzi silungisa indlela lapho okuzabe kuhamba khona abantu. Omunye usebenzisa umtshina ukugebha amagodi lapho okuzahlanyelwa khona izihlahla.

Sokufakwe ama-solar ezakhiweni lezi lasesakhiweni samawofisi. Ama-solar la azanceda ukuthi kube lamagetsi.

Isisebenzi sifaka ama-tiles kustezi sesithathu sesakhiwo lesi. I-rubber elithanga eqale yafakwa phansi inceda ukuthi ama-tiles angaqamuki nxa i-floor isiba lemikenke.

Izisebenzi ziyadla endaweni yokudlela esetshenziswa ngesikhathi sokwakha. Njengoba indawo le ingeneli bonke abantu, izisebenzi zibuya ngamaqembu ukuzokudla.

Amaroli athwala izibi ezingemuva kwesakhiwo samawofisi. Ngokuya kwesokudla kufakwa umhlobo wamawindi ovimba ukuthi ilanga lingatshisi kakhulu endaweni yokudlela laku-auditorium.

Kubekwa ikhaphethi njalo abanye abancedisayo ngamavolontiya avela emabandleni aboFakazi bakaJehova aseBritain le-Ireland. Ivolontiya ngalinye libuya kanye ngeviki. Kusiyaphela uFebruary, amavolontiya adlula 5 500 ayencedisile emsebenzini lo.

Kwakhiwa umduli phakathi laphakathi kwesakhiwo lesi. Kumakwe ngentambo ebomvu ukuze kungahanjwa lapho okulemitshina emikhulu esetshenziswa ukuthwala abantu.

Izisebenzi ziklina phakathi kwesakhiwo ngapha ezinye zilungisa i-floor.