Amapikitsha Atshengisa Ukwakhiwa Okwenziwa EBritain 7 (NgoSeptember 2018 Kusiya KuFebruary 2019)
Amapikitsha la atshengisa indlela umsebenzi wokwakha othuthuke ngayo ewofisini yegatsha yaboFakazi bakaJehova eBritain kusukela ngoSeptember 2018 kusiya kuFebruary 2019.
NgoSeptember 25, 2018—Izindlu Zokuhlala Eziku-A
Izisebenzi zifaka iphayiphi enkulu yamanzi zisebenzisa imitshina emibili yokugebha. Ngemuva ngale kukhanya isakhiwo samawofisi.
NgoSeptember 26, 2018—Isakhiwo Se-Maintenance
Kufakwa amaphaneli azabe engumduli waphandle. Imibala kanye lendlela amaphaneli la enziwe ngayo kuhambelana leguma.
NgoSeptember 27, 2018—Isakhiwo Se-Maintenance
Izisebenzi zilolonga i-floor zisebenzisa imitshina yakhona. Ukwenza njalo kunceda ukuthi i-floor le ibe butshelezi njalo iqine.
Ngo-October 4, 2018—Isakhiwo Samawofisi
Phakathi laphakathi komfanekiso lo, izisebenzi zilungisa lapho okuzabe kupakwa khona izimota. Esandleni sokunxele ivurandi elenziwe ngensimbi elihlanganisa izakhiwo ezimbili seliphelile ukwakhiwa. Ngale ngemuva kukhanya isakhiwo sestudiyo lese-maintenance.
Ngo-October 10, 2018—Okwakhiwa Khona Igatsha
Eduzane lezindlu zokuhlala eziku-A, isisebenzi sihlola indawo ukuze sibone lapho okumele kulungisiswe khona. Izihlahla kanye lezinye izimila ezicecisa indawo zahlanyelwa kusaqalisa ukwakhiwa ukuze nxa umsebenzi usuphelile lazo zibe sezikhululile.
Ngo-October 31, 2018—Izindlu zokuhlala eziku-F
Izisebenzi zipenda phansi lapho okuzabe kupakwa khona izimota. Omunye ugqoke izicathulo ezenza ukuthi kungasali kubhalile phansi. Ipenda le kayisubuki masinya njalo igeziseka lula nxa ingachithekela i-oyili.
NgoNovember 6, 2018—Isakhiwo Se-Maintenance
Kuqunywa amaketane azasetshenziswa ukulengisa ama-heater azakwenza ukuthi isakhiwo sihlale sikhudumala.
NgoNovember 6, 2018—Isakhiwo Samawofisi
Kupendwa phakathi kwesakhiwo samawofisi. Phezulu kulemitshina yokukhudumeza lokuqandisa iwofisi ngayinye egoqelwe ngamaphepha amnyama ukuze ingangcoli.
NgoNovember 8, 2018—Isakhiwo Samawofisi
Kulungiswa lapho okuzabe kuyindawo yokwamukela izihambi.
NgoDecember 7, 2018—Isakhiwo Samawofisi
Kusetshenziswa umtshina wokuphakamisa izinto ukuze kufakwe amawindi.
NgoDecember 10, 2018—Isakhiwo Samawofisi
Abamagetsi balungisa intambo zamakhompiyutha leze-inthanethi. Intambo lezi zihamba ngaphansi kwe-floor njalo sezizonke zingafika amakhilomitha angu-200. Indlela i-floor ngayinye enziwe ngayo yenza kube lula ukulungisa intambo lezi nxa kungadingakala.
NgoDecember 26, 2018—Izindlu zokuhlala eziku-A
Abakuhlangothi olubona ngokuvikeleka kwezisebenzi baprakthiza indlela abangahlenga ngayo umuntu owe ku-scaffold walenga ngebhanti.
NgoJanuary 8, 2019—Isakhiwo Samawofisi
Isisebenzi silungisa indlela lapho okuzabe kuhamba khona abantu. Omunye usebenzisa umtshina ukugebha amagodi lapho okuzahlanyelwa khona izihlahla.
NgoJanuary 9, 2019—Isakhiwo Se-Maintenance Lesestudiyo
Sokufakwe ama-solar ezakhiweni lezi lasesakhiweni samawofisi. Ama-solar la azanceda ukuthi kube lamagetsi.
NgoJanuary 17, 2019—Isakhiwo Samawofisi
Isisebenzi sifaka ama-tiles kustezi sesithathu sesakhiwo lesi. I-rubber elithanga eqale yafakwa phansi inceda ukuthi ama-tiles angaqamuki nxa i-floor isiba lemikenke.
NgoJanuary 21, 2019—Okwenziwa Khona Izinto Eziphathelane Lokwakha
Izisebenzi ziyadla endaweni yokudlela esetshenziswa ngesikhathi sokwakha. Njengoba indawo le ingeneli bonke abantu, izisebenzi zibuya ngamaqembu ukuzokudla.
NgoJanuary 30, 2019—Isakhiwo Samawofisi
Amaroli athwala izibi ezingemuva kwesakhiwo samawofisi. Ngokuya kwesokudla kufakwa umhlobo wamawindi ovimba ukuthi ilanga lingatshisi kakhulu endaweni yokudlela laku-auditorium.
NgoJanuary 30, 2019—Isakhiwo Samawofisi
Kubekwa ikhaphethi njalo abanye abancedisayo ngamavolontiya avela emabandleni aboFakazi bakaJehova aseBritain le-Ireland. Ivolontiya ngalinye libuya kanye ngeviki. Kusiyaphela uFebruary, amavolontiya adlula 5 500 ayencedisile emsebenzini lo.
NgoFebruary 12, 2019—Isakhiwo Se-Maintenance
Kwakhiwa umduli phakathi laphakathi kwesakhiwo lesi. Kumakwe ngentambo ebomvu ukuze kungahanjwa lapho okulemitshina emikhulu esetshenziswa ukuthwala abantu.
NgoFebruary 20, 2019—Isakhiwo Samawofisi
Izisebenzi ziklina phakathi kwesakhiwo ngapha ezinye zilungisa i-floor.