Ukungasebenzisi Izinto Ezithethwe Ezinyamazaneni—IBhayibhili Lithini?
Sekulabantu abanengi asebekhethe ukungasebenzisi loba yini ethethwe ezinyamazaneni.
Abantu abakhetha ukungasebenzisi izinto ezithethwe ezinyamazaneni bathi yisihluku ukubulala inyamazana ukuze uthole inyama, okokugqoka kumbe okunye nje.—The Vegan Society.
Abanye bathi okwenza bangasebenzisi loba yini ethethwe ezinyamazaneni yikuthi bakhathazekile ngemvelo langempilakahle yabo futhi bakwenza belandela lokho abakufundiswa emasontweni abo.
Abantu abakhetha ukungasebenzisi loba yini ethethwe ezinyamazaneni bathi okwenza bakhethe ukwenza njalo yikuthi bakholwa ukuthi abakwenzayo kuzakwenza umhlaba ube yindawo engcono kakhulu kulalokho oyikho khathesi.—Britannica Academic.
Kodwa ukungasebenzisi loba yini ethethwe ezinyamazaneni yikho yini okungalungisa inhlupho ezisemhlabeni? IBhayibhili lithini?
Indlela uMdali abona ngayo abantu lezinyamazana
IBhayibhili liveza ukuthi abantu bangcono kulezinyamazana ngoba uMdali wethu uJehova uNkulunkulu a wabatshela ukuthi babuse phezu kwezinyamazana. (UGenesisi 1:27, 28) Ngokuhamba kwesikhathi uNkulunkulu wavumela abantu ukuthi badle inyama. (UGenesisi 9:3) Kodwa kafuni ukuthi abantu babe lesihluku ezinyamazaneni.—IZaga 12:10.
IBhayibhili likwenza kucace ukuthi umuntu ukhululekile ukudla inyama kumbe ukungayidli. b Ukudla inyama kumbe ukungayidli akwenzi ukuthi uNkulunkulu asibone singcono kulabanye. (1 KwabaseKhorinte 8:8) Akumelanga sahlulele abanye ngenxa yalokho abakudlayo labangakudliyo.—KwabaseRoma 14:3.
Ngubani ozaqeda inhlupho ezisemhlabeni?
IBhayibhili lisitshengisa ukuthi indlela esikhetha ukuphila ngayo ayisiyo ezaqeda inhlupho ezisemhlabeni. Inhlupho ezinengi ezikhona lamuhla zibangelwa ngezombusazwe, ukungaphathwa kuhle kwabantu, lokuwa kwezomnotho futhi akulamuntu ongalungisa inhlupho lezo. IBhayibhili lithi:
“Okugobileyo ngeke kuqondiswe.”—UmTshumayeli 1:15.
UMdali wethu nguye ozaqeda zonke inhlupho esilazo. Nanku okunye esikutshelwa liBhayibhili ngokuthi uNkulunkulu uzakwenza njani lokhu.
“Ngasengibona izulu elitsha lomhlaba omutsha ngoba izulu lakuqala lomhlaba wakuqala kwasekudlulile.”—ISambulo 21:1.
UNkulunkulu uzasusa “izulu lakuqala” okutsho ohulumende babantu, abesebeka “izulu elitsha” okutsho uMbuso wakhe osezulwini. UMbuso lo uzakhipha ‘umhlaba wakuqala’ okutsho abantu ababi ubusubusa ‘umhlaba omutsha’ okutsho abantu abazimiseleyo ukubuswa nguMbuso kaNkulunkulu.
Abantu abazabe bebuswa nguMbuso kaNkulunkulu yibo kuphela abazenelisa ukuhlala kuhle lezinyamazana futhi bengaphambanisi imvelo.—U-Isaya 11:6-9.
a UJehova libizo likaNkulunkulu.—IHubo 83:18.
b IBhayibhli lithi kumele ‘sixwaye igazi.’ (ImiSebenzi 15:28, 29) Lokhu kutsho ukuthi akumelanga sinathe igazi, sidle inyama yenyamazana engophiswanga kumbe sidle ukudla okufakwe igazi.
Nanku Okunye
Ezinye Izihloko
Ithemba Elimayelana Lekusasa Elingcono
Kuyini okwenza izithembiso eziseBhayibhilini zingafanani lezithembiso leziphrofetho ezenziwa ngabantu?
INQABAYOKULINDA
Abantu Bazawutshabalalisa Yini Umhlaba?
IBhayibhili lalivele lakhuluma ukuthi abantu bazonakalisa umhlaba laphinda latsho ukuthi kwakuzaphetha ngani.
ESSENTIAL BIBLE TEACHINGS
Kungani UNkulunkulu Wadala Umhlaba?
Umhlaba ugcwele izinto ezinengi ezinhle. UNkulunkulu wawufaka waqhelelana lelanga ngebanga elifaneleyo futhi wawenza wabhoda ngesiqubu esilingeneyo. Yindaba uNkulunkulu wasebenza nzima kangaka edala umhlaba lo omuhle?
Ezinye Izihloko
Kuzake Kube Lokulingana Yini Kwezomnotho?
Ukhona yini uhulumende ozaqeda inhlupho ezisemhlabeni ezigoqela ubuyanga lokungahlaliseki kwabantu okubangelwa ngezomnotho?
