UJobe 26:1-14
26 UJobe waphendula wathi:
2 “Kambe le yiyo indlela ongasiza ngayo umuntu ongelamandla?
Ungamqinisa sibili ongelamandla ukhuluma kanje?+
3 Likhona yini icebo elihle oliphe oyisithutha?+
Phela akula lokukodwa okukhulumileyo okulengqondo!*
4 Lapha uzama ukufundisa bani?
Ukuthethe ngaphi khonokho okukhulumayo?
5 Abafileyo abalamandla, banjengabantu abaqhaqhazelayo.
Bangaphansi kolwandle lezilo ezihlala kulo.
6 Akulalutho uNkulunkulu angaluboniyo engcwabeni,+Ubona konke okusendaweni yababhubhileyo.*
7 Wendlala umkhathi wenyakatho* endaweni engelalutho,+Alengise umhlaba emoyeni.
8 Ugoqela amanzi emayezini akhe,+Kodwa amayezi kawadabuki lanxa ethwele amanzi amanengi.
9 Usibekela isihlalo sakhe sobukhosi singabonakali,Asembese ngeyezi lakhe.+
10 UNkulunkulu wenze umngcele phezu kwamanzi,+Wehlukanisa ukukhanya lomnyama.
11 Insika zamazulu ziyazamazama,Zethuswe yikukhwaza kwakhe.
12 Amandla akhe enza ulwandle luhlokome,+Udabula isilo solwandle* ngoba uhlakaniphile.+
13 Uyaphefumula isibhakabhaka sibe ligceke,Agwaze inyoka egijimayo.
14 Lokhu ngokulutshwana nje kwezinto azenzileyo,+Lesikuzwileyo ngaye kufanana lokulilizwi okuncane okunyenyezayo!
Manje ngubani ongazwisisa umdumo wakhe omkhulu?”+
Amabala angaphansi
^ Kumbe, “okutshengisa ukuthi uhlakaniphile.”
^ Kumbe, “okuse-Abhadoni.”
^ NgesiHebheru, “Welulela inyakatho.”
^ NgesiHebheru, “uRahabi.”