Amochmej tlen kinpia Biblia
¿Tlen kipiaj amochmej tlen kinpia Biblia? ¿Tlen kijtouaj ninmej amochmej? Nikan uelis tikinmitas seki videos tlen amo uejueyij. Xikintekitilti ijkuak tiktlajtoltis Biblia uan noijki ijkuak timomachtis.
Tlen techmachtia amochtli Génesis
Amochtli Génesis techiluia ken opejki tichantij nikan tlaltikpak uan tleka opejki titlajyouiaj uan tiixpoliuij.
Tlen techmachtia amochtli Éxodo
Jehová okinmakixti israelitas ompa Egipto uan okichi ma pouikan itech ialtepe.
Tlen techmachtia amochtli Levítico
Xikita ken amochtli Levítico kijtoua toTajtsin Dios chipauak uan tleka tejuan noijki moneki tiyetoskej tichipauakej.
Tlen techmachtia amochtli Números
Xikita tleka moneki ma tiktlakamatikan Jehová uan ma tikintlakaitakan akin ye okinpejpenki ma techyekanakan.
Tlen techmachtia amochtli Deuteronomio
Xikita ken Jehová kinteochiua akinmej kitlakamatij uan amo kinteochiua akinmej amo kitlakamatij.
Tlen techmachtia amochtli Josué
Xikita ken ialtepe Jehová kimoaxkatia tlali tlen okijto kinmakaskia.
Tlen techmachtia amochtli Jueces
Nin amochtli kijtoua tlen tlamantli tetlajtlachialti okichijkej jueces yolchikauakej ompa Israel. ToTajtsin Dios okintekitilti ninmej tlakamej tlen otlaneltokayaj para kimakixtis ialtepe ijkuak otlajyouijtoka.
Tlen techmachtia amochtli Rut
Amochtli Rut techmachtia ken se siuamontli okitlasojtlak imonna ika nochi iyolo ijkuak omoyolkokouaya. Jehová okinteochi ninmej ome siuatsitsintin.
Tlen techmachtia amochtli 1 Samuel
Xikita tlen opanok ompa Israel ijkuak ayakmo okatkaj jueces uan tekiuajkej opejkej tlanauatiaj.
Tlen techmachtia amochtli 2 Samuel
Xikita ken David okiteititi okatka yolyamanki uan ikinon okitlasojtlayaj miakej.
Tlen techmachtia amochtli 1 Reyes
Xikita ken Jehová okiteochiuaya altepetl Israel ijkuak Salomón otlanauatiaya. Noijki xikita tlen okinpanok tekiuajkej itech Israel uan Judá.
Tlen techmachtia amochtli 2 Reyes
Jehová nochipa okinteochi akinmej okatkaj yolmelauakej maski amo miakej uan maski israelitas tlen ochantiayaj ik norte ompa Israel okinueyichiuayaj teotsitsintin.
Tlen techmachtia amochtli 1 Crónicas
David nochipa okitlakaitak toTajtsin Dios ijkuak otlanauatiaya itech altepetl Israel hasta oixpoliuik.
Tlen techmachtia amochtli 2 Crónicas
Tlen okinpanok tekiuajkej itech altepetl Judá techmachtia miak ipati nochipa matiktlakamatikan Jehová.
Tlen techmachtia amochtli Esdras
Jehová kinmakixtia itekipanojkauan ijkuak kisaj itech altepetl Babilonia uan oksepa kichiua ma kiueyichiuakan.
Tlen techmachtia amochtli Nehemías
Amochtli Nehemías techmachtia tlamantli tlen miak ipati pampa nochtin akinmej melauak kitekichiuiliaj toTajtsin Dios itech ninmej tonalmej.
Tlen techmachtia amochtli Ester
Nochi tlen opanok itech itonaluan Ester, kichiuas ma tikneltokakan itech ninmej tonalmej noijki toTajtsin Dios uelis kinmakixtis itekipanojkauan ijkuak kipiaskej ouijkayotl.
Tlen techmachtia amochtli Job
Satanás kinmixnamiki nochtin akinmej kitlasojtlaj Jehová. Tlen okipanok Job techititia uelis tiyetoskej tiyolmelajkej uan tikteititiskej san Jehová kinamiki tlanauatis.
Tlen techmachtia amochtli Salmos
Salmos kiteititiaj san Jehová kinamiki tlanauatis, kinpaleuis uan kinyolchikaua akinmej kitlasojtlaj. Kiteititia ken iTekiuajkayo toTajtsin Dios kipojpolos nochi tlen amo kuali.
Tlen techmachtia amochtli Proverbios
Amochtli Proverbios techpaleuia itech tonemilis, ijkuak ikaj iuan titekitij uan itech kalchanejke.
Tlen techmachtia amochtli Eclesiastés
Ueyi tekiua Salomón kiteititia tlen tlamantli melauak ipati itech tonemilis uan kiteititia tlen tlamantli amo mouika iuan ixtlamatilis toTajtsin Dios.
Tlen techmachtia amochtli El Cantar de los Cantares
Nin amochtli noijki kixmatij ken “La canción de las canciones”, techtlapouia itech se ichpochtli uan se tlajpixki tlen sapanoa omotlasojtlayaj. ¿Tlen techmachtia inneskayo?
Tlen techmachtia amochtli Isaías
Amochtli Isaías kinpia profecías tlen techpaleuia ma titlaneltokakan itech Jehová, techmachtia nochipa kichiua tlen kijtoa uan kinmaluia itekipanojkauan.
Tlen techmachtia amochtli Jeremías
Jeremías okitekichiuili Jehová ken teotlajtojki maski sapanoa otlajyoui. Xikita ken techpaleuia ineskayo akinmej tikchiuaj ken Cristo.
Tlen techmachtia amochtli Lamentaciones
Amochtli Lamentaciones okijkuilo Jeremías, ompa kijtoa ken omomachili ijkuak okipojpolojkej Jerusalén uan kiteititia tla timoyolkuepaj toTajtsin Dios techiknomati.
Tlen techmachtia amochtli Ezequiel
Ezequiel amo omomojti uan okichi nochi tlen toTajtsin Dios okinauati ma kichiua, maski okatka oui. Ineskayo techmachtia miak tlamantli.
Tlen techmachtia amochtli Daniel
Daniel uan iyolikniuan amo keman okikajkej Jehová maski okipiayaj ouijkayotl. Tlen okichijkej techpaleuia uan techpaleuis.
Tlen techmachtia amochtli Oseas
Tlen kijtoa amochtli Oseas kiteititia ken Jehová kinmiknomati akinmej moyolkuepaj uan ken kineki ma tikueyichiuakan.
Tlen techmachtia amochtli Joel
Joel okijto ayakmo uejkauas ajsiki itonal Jehová uan okijto tlen moneki ma tikchiuakan para timomakixtiskej. Itech ninmej tonalmej noijki miak ipati tlen okijto.
Tlen techmachtia amochtli Amós
Jehová okitekitilti Amós uan okimakak se tekitl tlen miak ipati. ¿Tlen techmachtia Amós?
Tlen techmachtia amochtli Abdías
Amochtli Abdías se amochtli tlen okachi achitsin itech Escrituras Hebreas. Nin amochtli techyolchikaua uan kijtoa san Jehová kinamiki tlanauatis.
Tlen techmachtia amochtli Jonás
Teotlajtojki Jonás kijtoa okiseli ijkuak okiluijkej tlen amo kuali okichi, okichi tlen okinauatijkej uan okajsikamatki tlen kijtosneki tlasojtlalistli tlen melauak uan noijki ken toTajtsin Dios tetlapojpoluia. Nochi tlen okipanok ajsis itech moyolo.
Tlen techmachtia amochtli Miqueas
Tlen kijtoa amochtli Miqueas techyolchikaua porque techpaleuia ma tikajsikamatikan nochi tlen Jehová techiluia ma tikchiuakan amo oui uan techpaleuia.
Tlen techmachtia amochtli Nahúm
Profecías tlen okinmijto Nahúm techpaleuiaj okachi ma titlaneltokakan itech Jehová, ma tikneltokakan ye nochipa kichiua tlen kijtoa uan kinyolseuia akinmej motekipachoaj.
Tlen techmachtia amochtli Habacuc
Jehová kuali kimati keman techmakixtis uan ken kichiuas.
Tlen techmachtia amochtli Sofonías
¿Tleka amo ma timokuayejyekokan itonal Jehová amo keman ajsiki?
Tlen techmachtia amochtli Ageo
Techmachtia miak ipati nochipa achto ma tikueyichiuakan Jehová uan amo ma tikchiuakan tlen tejuan tiknekij.
Tlen techmachtia amochtli Zacarías
Tlen okitak nin teotlajtojki techititia okinyolchika akinmej ochantiaya yiuejkika. Uan axkan noijki techyolchikaua porque tikmatokej toTajtsin Dios amo keman techkauas.
Tlen techmachtia amochtli Malaquías
Kiteititia itlanauatiluan toTajtsin Dios amo keman kinpatla, ye tlasojtlalistli uan teiknomati. Noijki techpaleuia itech ninmej tonalmej.
Tlen techmachtia amochtli Mateo
Xikmati seki tlamantli itech amochtli Mateo, nin achto Evangelio.
Tlen techmachtia amochtli Marcos
Itech naui Evangelios tlen kinpia Biblia, amochtli Marcos okachi amo ueyi, tlajtoa itech Jesús ken ueyi tekiua uan itech Tekiuajkayotl.
Tlen techmachtia amochtli Lucas
¿Tlen tlamantli san ijkuilitok itech amochtli Lucas?
Tlen techmachtia amochtli Juan
Juan kiteititia Jesús otechtlasojtlak, okatka yolyamanki uan ye tlanauatis itech iTekiuajkayo toTajtsin Dios.
Tlen techmachtia amochtli Hechos de Apóstoles
Akinmej achto opejkej kichiuaj ken Cristo, otlamachtijkej itech miakej altepemej. Ijkuak tiktlajtoltis amochtli Hechos mitspaleuis okachi xiyolpaki ijkuak titetlapouis.
Tlen techmachtia amochtli Romanos
Jehová okichi ma kinmijkuililikan se carta tokniuan tlen ochantiayaj Roma. Ompa kijtoa Jehová amo techikoita uan miak ipati ma titlaneltokakan itech Cristo Jesús.
Tlen techmachtia amochtli 1 Corintios
Itech carta tlen okijkuilo tlatitlanil Pablo kijtoa ken moneki san sekan ma tiktekichiuilikan Jehová, ma tikpiakan chipauak tonemilis, ken tikteititiskej melauak titetlasojtlaj uan miak ipati tikneltokaskej toTajtsin Dios okiyoliti Jesús.
Tlen techmachtia amochtli 2 Corintios
Jehová kinyolseuia uan kinyolchikaua itekipanojkauan.
Tlen techmachtia amochtli Gálatas
Carta tlen Pablo okintlajkuilili tokniuan tlen ochantiayaj Galacia techpaleuia ijkon ken yejuan okinpaleui. Non carta uelis techpaleuis para amo ma tikkauakan Jehová.
Tlen techmachtia amochtli Efesios
Nin carta kiteititia toTajtsin Dios ika Jesucristo kichiua ma tikpiakan yolseuilistli uan san sekan ma tiktekichiuilikan.
Tlen techmachtia amochtli Filipenses
Tla tiyolmelajkej ijkuak tikixnamikiskej ouijkayotl, oksekimej noijki ijkon kichiuaskej.
Tlen techmachtia amochtli Colosenses
Para tikyolpaktiskej Jehová moneki tikchiuaskej tlen timomachtiaj, moneki timotlapojpoluiskej ika nochi toyolo uan moneki tiktlakamatiskej Jesucristo porque ye ueyititok uan tlanauatijtok.
Tlen techmachtia amochtli 1 Tesalonicenses
Moneki tikchikauaskej totlaneltokilis, tikchiuaskej tlen okachi moneki, timotlatlaujtiskej uan timoyolchikauaskej.
Tlen techmachtia amochtli 2 Tesalonicenses
Tlatitlanil Pablo okinpaleui tokniuan ma kimatikan ken uits itonal Jehová uan okinmilui ma kipiakan chikauak intlaneltokilis.
Tlen techmachtia amochtli 1 Timoteo
Tlatitlanil Pablo okijkuilo nin carta para kinmiluis tokniuan tlen moneki kichiuaskej itech tlanechikol, ken kichiuaskej para amo ma kinmijtlako ijkuak sekimej otlamachtiayaj tlen amo melauak uan amo ma kitemokan kipiaskej miak tomin.
Tlen techmachtia amochtli 2 Timoteo
Tlatitlanil Pablo okilui Timoteo okachi ma kitekichiuili Jehová.
Tlen techmachtia amochtli Tito
Carta tlen Pablo okititlanili Tito okijto seki ouijkayotl tlen okipiayaj tokniuan tlen ochantiayaj ompa Creta uan noijki okijto tlen omonekiaya kichiuaskej tokniuan tlen okinekiayaj yetoskej tlayekankej.
Tlen techmachtia amochtli Filemón
Maski amo ueyi non carta, techmachtia ken tiyetoskej tiyolyamankej, titetlasojtlaskej uan titetlapojpoluiskej.
Tlen techmachtia amochtli Hebreos
Akinmej tikchiuaj ken Cristo amo moneki tikpiaskej se kali noso tikintemakaskej yolkamej para tikueyichiuaskej Jehová.
Tlen techmachtia amochtli Santiago
Santiago okintekitilti neskayomej tlen techmachtiaj seki principios akinmej tikchiuaj ken Cristo.
Tlen techmachtia amochtli 1 Pedro
Primera de Pedro techyolinia ma tiktekichiuilikan toTajtsin Dios uan ma tikiluikan nochi tlen techtekipachoua.
Tlen techmachtia amochtli 2 Pedro
Segunda de Pedro techyoleua ma tiyetokan tiyolmelajkej ijkuak tikchixtokej yankuik iluikak uan se yankuik tlaltikpak.
Tlen techmachtia amochtli 1 Juan
Nin carta technejmachtia itech anticristos uan techpaleuia ma tikmatikan tlen tiktlasojtlaskej uan tlen amo.
Tlen techmachtia amochtli 2 Juan
Itech nin carta Juan techiluia ma tikintlakamatikan itlanauatiluan toTajtsin Dios uan amo ma tikinkakikan tekajkayajkej.
Tlen techmachtia amochtli 3 Juan
Nin carta techmachtia kuali ma tikinselikan tokniuan.
Tlen techmachtia amochtli Judas
Judas kijtoua tlen kichiuaj akinmej kinekij kinkajkayauaskej tokniuan uan kinmijtlakoskej.
Tlen techmachtia amochtli Apocalipsis
Visiones tlen moijtoua itech amochtli Apocalipsis kiteititiaj iTekiuajkayo toTajtsin Dios kichiuas tlen ye kineki para tlaltikpaktlakamej.
