Tinochtin tiixuiuan Adán. Non kijtosneki tipouij san itech se familia. Maski akinmej pouij itech se familia moneki motlasojtlaskej uan motlakaitaskej, axkan miakej amo ijkon kichiuaj. Pero toTajtsin Dios kineki ma timotlasojtlakan.

“Moneki titetlasojtlas ken timotlasojtla” (LEVÍTICO 19:18).

“Xikintlasojtlakah akimeh nomechkokoliah” (MATEO 5:44).

Itech 1 Corintios 13:4-7 toTajtsin Dios techiluia tlen kijtosneki ma titetlasojtlakan.

“Akin tetlasojtla, kimati texikoa; semi yolyámanki”.

Ximokuayejyeko: ¿Ken timomachilia ijkuak ikaj kimati mochias, tetlasojtla uan amo san niman kualani ijkuak timotlapololtia?

Akin tetlasojtla “amo xikojmiki”.

Ximokuayejyeko: ¿Ken timomachilia ijkuak ikaj mitsnexikolita noso amo kineltoka tlen tikiluia?

Akin tetlasojtla amo “kitemoa san tlan ye kipaktia”.

Ximokuayejyeko: ¿Ken timomachilia ijkuak ikaj mitstlakaita uan amo san kineki ma mochiua tlen ye kijtoua?

Akin tetlasojtla amo “tekokolia”.

Ximokuayejyeko: ToTajtsin Dios kintlapojpoluia akinmej moyolkopaj. ITlajtol kijtoua: “Amo nochipa kimajpiluijtos tlen amo kuali tikchiuaj nion nochipa kilnamiktos” (Salmo 103:9). Kuali timomachiliaj ijkuak techtlapojpoluia akin otikkualanijkej. Ik non, tejuan noijki ma tikintlapojpoluikan akinmej techyolkokouaj (Salmo 86:5).

Akin tetlasojtla “amo paki ijkuak kinmita oksikimeh tlaijyowiah por intlajtlakol”.

Ximokuayejyeko: Ijkuak itlaj amo kuali techpanoua, amo techpaktia oksekimej ma yolpakikan. Ik non, amo tiyolpakij ijkuak oksekimej tlajyouiaj maski otechchiuilijkej tlen amo kuali.

Tla tiknekij ma techteochiua toTajtsin Dios, moneki tikintlasojtlaskej oksekimej maski tlatlamantli xiuitl kipiaj, maski uitsej itech okse altepetl noso kipiaj okse religión. Tikteititiskej titetlasojtlaj tla tikinpaleuiaj oksekimej.