•   “Sapanoua tlatotonia itech altepetl China uan kanaj yieyi xiuitl ijkon panotok” (The Guardian, 7 de septiembre 2022).

•   “Itech altepetl Gran Cuerno de África sapanoua tlatotonia uan xamo okse xiuitl noijki sapanoua tlauakis uan ika non xiuitl kajxitiskej makuili xiuitl” (Noticias ONU, 26 de agosto 2022).

•   “Itech altepetl Europa sapanoua motekipachoua porque sapanoua tlauaki uan yikipia 500 xiuitl amo ijkon opanouaya” (BBC News, 23 de agosto 2022).

 Miakej ixtlamatkej kijtouaj ijkon panotos uan xamo okachi tlauakis. ¿Satepan okachi kuali tiyetoskej? ¿Tlen kijtoua Biblia?

 Itech Biblia kijtoua nin panoskia:

•   “Sentetl yetos apisotl” (Lucas 21:11).

 Ijkuak tlauaki noijki amo onka tlakuali. Profecías tlen ijkuilitokej itech Biblia kijtouaj miakej tlajyouiaj, amo kipiaj tlen kikuaskej uan ixpoliuij (Apocalipsis 6:6, 8).

 Biblia kijtoua tleka:

•   “Tlakatl amo kinamiki monauatis nion kinamiki kiyekanas kanin tlaksas” (Jeremías 10:23).

 Nin kijtosneki san titlajyouiskej tla tiknekij timoyekanaskej noso toselti timonauatiskej. Ualeua totlajtlakol amo onka atl uan tlauaki.

•   Ixtlamatkej kijtouaj totlajtlakol axkan okachi tlatotonia uan tlauaki itech nochi tlaltikpak.

•   Ayakmo onka miak atl tlen uelis tikoniskej. ¿Tleka? Akinmej tlayekanaj itech altepemej san kinekij tomin, ikinon kintsontekij kuajmej, tlasokiotiaj uan amo kitaj ken nochi non techijtlakoua.

 Tlen kijtoua Biblia techyolchikaua.

 Biblia kijtoua toTajtsin Dios kichiuas matikpiakan atl. ¿Ken kichiuas?

1.  1. ToTajtsin Dios ‘kimpojpolos akimeh kijtlakoah n tlaltíkpaktli’ (Apocalipsis 11:18). Kinmixpolos akinmej amo yolkualmej uan kijtlakouaj tlaltikpak (2 Timoteo 3:1, 2).

2.  2. “Kanin tlauaki porque sapanoua tlatotonia atemis uan moskaltis miak akatl” (Isaías 35:1, 6, 7). ToTajtsin Dios kichiuas ayakmo matlauaki, kichiuas tlaltikpak se xochitlali uan mayeto miak atl.

3.  3. “Te tikmaluia tlaltikpak, tikchiua matlamochiua uan kualtsin mamota” (Salmo 65:9). ToTajtsin Dios techteochiuas uan techmakas tlen tikkuaskej uan tikpiaskej atl chipauak.