Nochin kitemouaj kuali nemiskej
¿Keniuj tikonneki tionnemis iniuan mochankauan? Tikyekmatij ke tejuatsin tikonneki tionyolpakis, tionpaktos, tionyolseujtos uan tikonpias miak tomin. Tein melauj tinochin tiknekij kuali tinemiskej.
Sayoj ke, miakej kiitaj ke semi ouij maj kichiakan kuali nemiskej. Kiitanij ke teisa uelis ijsiujka mopatas. Kemej tein panok ika ueyi kokolis COVID-19, ininnemilis miakej semi mopatani, amo semi onkakok tomin uan miakej momikilianij. Yejua ika, kiitaj ke semi ouij maj kuali nemikan kemej kinekiskiaj.
Kemej miakej amo kimatij toni kinpanos, semi kitemouaj tein kinpaleuis maj yolpakikan. Sekin takuaujtamatij itech chikaualis tein amo moita, kemej tein ixyetok kinpanos oso suerte. Sekin kinemiliaj ke ika nemachtil uan tomin kipiaskej tein kinekij. Uan sekin kinemiliaj ke sayoj moneki maj tiyolkualmej para kuali tinemiskej.
Sayoj ke, ¿yekmelauj mitsonpaleuis nochi nejin xikonchia kuali tionnemis? Uelis tikonmatis komo ika tiontanemilia nejin:
¿Akoni kiixtalia tein mitsonpanos satepan?
¿Kichiuas tomin uan nemachtil kuali xionnemi?
¿Kichiuas kuali xionnemi komo tionyolkuali?
¿Kani uelis tikonajsis tein mitsonpaleuis kuali xionnemi?
Nejin amaix mitsonpaleuis xikonmati itanankililuan nejin netajtanilmej.
Xa no tikonuelitas
SEKI TAMAN TEIN BIBLIA TAMACHTIA TEIN TAYEKANTOKEJ
¿Toni iTekiuajyo Dios?
Keman Jesús kiteixmatiltij iTajtol Dios nikan taltikpak, okachi ika tajtoj iTekiuajyo Dios. Miak xiujmejya, itatojtokakauan tajtanij itech netataujtil maj nejon Tekiuajyot taixyekanaki.
TEIN TIMOTAJTANIAJ DE BIBLIA
¿Toni nechpaleuis maj nikchia nikselis tein kuali?
Tein Biblia tamachtia uelis mitsonpaleuis okachi kuali xionnemi axkan uan xikonneltoka ke uelis tikonchias maj pano tein kuali satepan.
SEKI TAMAN TEIN BIBLIA TAMACHTIA TEIN TAYEKANTOKEJ
¿Keyej uelis tikneltokaskej ke melauak tein kijtoua Biblia?
Komo itanemililuan Dios tein ijkuiliujtok itech Biblia, nejin amatajkuilol monekiskia yeski taman ke okseki.
TIAKONIMEJ
Xiontajtani maj mitsonkalpanokan
Xikonmati itanankilil se netajtanil tein kisa itech Biblia, oso okachi xikonixmati itaixpantijkauan Jiova.
