Maj tikitakan tein kipanok Sally, * akin kayot Estados Unidos. Yejua kipoloj nochi tein kipiaya keman mochiuak se kiouaejekat. Yejua kijtoua: “Niknemiliaya ke amo nitaxikoskiaok. Miak tonalmej nikmachiliaya ke amo nikpiayaok chikaualis”.

No ijkon, keman momikilia se akin tiktasojtaj semi teyolkokoua. Janice, kayot Australia, kijtoua: “Keman momikilijkej nochin ome nokoneuan, niteltayokoyak uan monekik nimochikauas nitaxikos. Niktataujtiaya Dios: ‘¡Amo nitaxikouaok! Xinechkaua maj nikochi uan maj amo niijsaok’”.

Daniel kipanok okse taman. Yejua tel amo kuali momachilij keman inamik kikajkayauak. Yejua kijtoua: “Keman nonamik nechiluij ke nechkajkayauak, nechtelyolkokoj uan miak metsti ijkon nimomachilij”.

Itech nejin amaix Tanejmachtijkej tikonitas ke uelisok tionyolpakis maski:

• Mochiua se tetsauit

• Momikilia se akin tiktasojtaj

• Se inamik tekajkayaua

• Se kipia se ueyi kokolis

• Se mosenkauasneki

Yekinika, maj tikitakan tein uelis kinpaleuis akin nemij kampa mochiuak se tetsauit.