UIKATL 38
Jehová mitsmokuitlauis
(1 Pedro 5:10)
-
1. ¿Kenke Jehová tlauel kinejki mitsmachtis,
uan kinejki xieli iuampo?
Pampa Jehová uelki kiita moyolo,
kiitak tijneki tijneltokas.
Yeka tijmaktilik monemilis,
uan ya nochipa mitsmokuitlauis.
(TLEN MOOMPAUIA)
Ika Jesús ieso
Jehová mitsmakixtik.
Ya mitsmokuitlauis
uan mitsyolchikauas.
Amo mitstlauelkauas
pampa tiiaxka.
Ya mitsmokuitlauis
uan mitsyolchikauas.
-
2. Tlaj toTeotsij Jehová temakak iKone,
kinextik tlauel mitsiknelia.
Ya kinextik itstos nochipa monechka
uan amo kema mitstlauelkauas.
Nochipa kimajtos tlen tijchijtok,
pampa axkema tijtlauelkajtok.
(TLEN MOOMPAUIA)
Ika Jesús ieso
Jehová mitsmakixtik.
Ya mitsmokuitlauis
uan mitsyolchikauas.
Amo mitstlauelkauas
pampa tiiaxka.
Ya mitsmokuitlauis
uan mitsyolchikauas.
(Nojkia xikita Rom. 8:32; 14:8, 9; Heb. 6:10; 1 Ped. 2:9).