“Maseualmej kichiuaj miak tlamantli tlen kichiuas nima ma sosoliui Tlaltipaktli: Ipan uejueyi altepemej tlatemi. Chikauak tlatotonia.Tlauel chikauak tlakiaui. Kampa ueli amo onka atl. Ixpolijtiaui tlauel miakej tlapialmej, kuatinij uan xiuitl. Tlen nikijtoua nelia pano. Ixtlamatinij kiijtouaj kiampa panotok pampa amo kuali tijtekiuiaj se keski tlamantli kej tlauili uan gasolina” (Tlen kiijtok António Guterres, secretario general de las Naciones Unidas, kema kinnankilik katli itstoyaj ipan nopa Grupo Intergubernamental de Expertos sobre el Cambio Climático, ipan abril 4, 2022).

 “Ixtlamatinij kiijtouaj ipan se keski xiuitl, nojua tlatotonias uan nopa kichiuas ma uaki uejueyi kuatitlamitl [tlen Estados Unidos]. Pampa san ipan nopa altepetl, kuatitlamitl amo tlauel kiijiyouia kema tlatotonia. Ni 423 uejueyi kuatitlamitl uelis poliuisej pampa: Tlatla kuatitlamitl, tlatemi, moatilia nopa ueyi mantos tlen hielo, tlejko ueyi atl uan tlauel tlatotonia” (“Flooding Chaos in Yellowstone, a Sign of Crises to Come” [Tlauel tlatemi ipan Yellowstone, nopa techmatiltia teipa panos tlen tlauel amo kuali], The New York Times, junio 15, 2022).

 ¿Tlamis nochi ni tlamantli tlen kitlanauia Tlaltipaktli? Tlaj kena, ¿kenijkatsa mokualtlalis? Xikita tlen Biblia nelnelia tlamachtia.

 Biblia kiijtoua toTeotsij kintsontlamiltis “inijuantij tlen [tlaxoleuaj] ipan Tlaltipaktli” (Apocalipsis 11:18). Ni texto techmachtia eyi tlamantli:

1.  1. Maseualmej tlauel kixoleuaskiaj Tlaltipaktli.

2.  2. Se tonali ayokmo kixoleuasej Tlaltipaktli.

3.  3. Eli toTeotsij, uan amo maseualmej, katli kisenkauas ni kuesoli.

 Biblia kiijtoua Tlaltipaktli “nochipa mokaua” (Eclesiastés 1:4). Nochipa itstosej maseualmej.

•   “Tlakamej tlen itstokej xitlauakej iixpa toTeko moaxkatisej nopa tlali tlen yajaya kinmakas, uan nepa itstosej para nochipa” (Salmo 37:29).

 Tlaltipaktli mokualtlalis uan elis tlauel yejyektsi.

•   “Ipan nopa tonali elis keja pakis nopa uaktok tlali uan kampa tlatsitsika pampa xochiyouasej keja se yejyektsi xochitl” (Isaías 35:1).