KEJ TIMONEJNEMILTIAJ
Xijmokuitlaui moyolo
ToTeotsij itonal kichijki Salomón ma kiijkuilo ni: “Tlen más ipati para tijchiuas elis para tijmokuitlauis moyoltsi” (Pr 4:23). Israeleuanij kinpanok tlen amo kuali pampa ayokmo kiueyichijkej Jehová “ika nochi ininyolo” (2Cr 6:14). Tlanauatijketl Salomón amo kimokuitlauik iyolo uan pejki kinueyichiua sekinok teotsitsij pampa isiuajuaj kiampa kichijkej ma kichiua (1Re 11:4). ¿Kenijkatsa uelis tijmokuitlauis moyolo? Ya nopa timomachtijkej ipan Tlen Tematiltia, enero 2019, iamayo 14-19.
ACHTOUI XIKITA NOPA VIDEO TLEN TECHMACHTIA “TLEN TEMATILTIA”: MA TIJMOKUITLAUIKAJ TOYOLO, UAN TEIPA XIJNANKILI NI TLAJTLANILI:
¿Tlake kiixnamijkej toikniuaj uan kenijkatsa kinpaleuik nopa tlamachtili ma kimokuitlauikaj ininyolo?
-
Brent uan Lauren
-
Umjay
-
Happy Layou
¿Uan ta kenijkatsa mitspaleuik nopa tlamachtili?
