TLAMACHTILI 41
¿Tlake kiijtoua Biblia kema se tlakatl uan se siuatl motekaj sansejko?
Miakej maseualmej amo kinpaktia kiijtosej kema se tlakatl uan se siuatl motekaj sansejko pampa pinauaj. Maske kiampa kiyolmatij, Biblia xitlauak kiijtoua tlen ni tlamantli uan kichiua ika tlatlepanitakayotl. Tlen nopaya ijkuilijtok tlauel techpaleuia pampa Jehová kichijki ma moijkuilo, uan ya kimati tlake techpaleuis kuali ma tiitstokaj pampa ya techchijchijki. Nojkia techiljuia kenijkatsa kinamiki timonejnemiltisej tlaj tijnekij tijyolpakiltisej, uan tlake techpaleuis nochipa ma tiyolpakikaj.
1. ¿Kenijkatsa kiita Jehová kema se tlakatl uan se siuatl motekaj sansejko?
Jehová kichijki se tlakatl uan se siuatl ma motekakaj sansejko. Ya kineki san katli mosenkajtokej ma moyolpakiltikaj ika nopa tlamantli. Kema motekaj sansejko, inijuantij amo san uelis kinpiasej ininkoneuaj, nojkia uelis kinextisej nelia moikneliaj uan moyolpakiltisej. Yeka Biblia kiijtoua: “Ximopakilismaka miak ika nopa siuatl tlen timokuilik kema tieliyaya titelpokatl” (Proverbios 5:18, 19). Jehová amo kineki itekipanojkauaj katli mosenkajtokej ma kikajkayauakaj ininsiua o ininueue. Yeka, se Cristo itokilijka amo kema motekaskia iuaya se akajya katli amo eli inamik (xijpoua Hebreos 13:4).
2. ¿Tlake kiijtosneki kema se akajya kichiua tlen amo kinamiki iuaya katli axinamik?
Biblia kiijtoua: “Axuelis kalakisej kampa tlanauatia toTeko [...] tlen kichiuaj tlamantli ika tlen axininnamik” (1 Corintios 6:9, 10). Katli kiijkuilojkej Biblia, kitekiuijkej nopa tlajtoli griego pornéia kema kiijtojkej se akajya kichiua tlamantli tlen amo kinamiki iuaya katli amo eli isiua o iueue. Ni tlajtoli kiijtosneki 1) kema motekaj sansejko maske amo mosenkajtokej, a 2) kema se tlakatl moteka iuaya seyok tlakatl o se siuatl iuaya seyok siuatl uan 3) kema mokalakiaj ika se tlapiali. Kema amo tijchiuaj ni tlamantli, tlauel tijyolpakiltiaj Jehová uan kuali tiitstokej (1 Tesalonicenses 4:3).
KUALI XIMOMACHTI
Ma tikitakaj tlake mitspaleuis amo tijchiuas tlen amo kinamiki iuaya se akajya katli amo monamik. Uan nojkia tikitasej kenijkatsa tiitstos tlaj kuali timonejnemiltis.
3. Amo xijchiua tlen amo kuali iuaya se akajya katli amo monamik
Se toTeotsij itekipanojka katli motokaxtiyaya José amo kinejki motekas iuaya se siuatl katli kiiljuiyaya ma moteka iuaya. Xijpouakaj Génesis 39:1-12 uan xijnankilikaj ni tlajtlanili:
-
¿Kenke cholok José? (Xikitakaj versículo 9).
-
¿Timoiljuia kuali tlen kichijki José? ¿Kenke kiampa timoiljuia?
¿Kenijkatsa telpokamej uelis kichiuasej kej José uan kiampa amo kichiuasej tlen amo kinamiki iuaya se akajya katli amo ininnamik? Xikitakaj nopa VIDEO.
Jehová amo kineki itekipanojkauaj ma kichiuakaj tlen amo kinamiki iuaya se akajya katli amo eli ininnamik. Xijpouakaj 1 Corintios 6:18 uan xijnankilikaj ni tlajtlanili:
-
¿Tlake tlamantli ueliskia kichiuas se akajya ma kichiua tlen amo kinamiki iuaya katli amo inamik?
-
¿Tlake mitspaleuis amo xijchiua tlen amo kinamiki iuaya se akajya katli amo eli monamik?
4. Ta uelis amo tijchiuas tlen mitsyoltilana
¿Tlake tlamantli ueliskia kichiuas ouij xijmati amo tijchiuas tlen amo kinamiki iuaya se akajya katli amo eli monamik? Xikitakaj nopa VIDEO uan xijnankilikaj ni tlajtlanili:
-
¿Tlake kichijki nopa toikni katli nesi ipan video kema kiitak tlen moiljuiyaya uan tlen kichiuayaya ueliskia kichiuas ma kikajkayaua isiua?
Cristo itokilijkauaj katli kuali tlaneltokaj nojkia moneki kichiuasej kampeka san moiljuisej ipan tlamantli tlen kuali. ¿Tlake mitspaleuis amo timoiljuis tlamantli tlen sokiyo? Xijpouakaj Filipenses 4:8 uan xijnankilikaj ni tlajtlanili:
-
¿Ipan tlake tlamantli moneki timoiljuisej?
-
Tlaj mojmostla tijpouasej Biblia uan timosentlalisej tijtekipanosej Jehová, ¿timoiljuia nopa techpaleuis amo ma tijchiuakaj tlen ueliskia kichiuas ma titlajtlakolchiuakaj? ¿Kenke kiampa timoiljuia?
5. Tlen Jehová technauatia tlauel techpaleuia
Jehová kimati tlake techpaleuis kuali ma tiitstokaj, yeka techiljuia kenijkatsa kuali timonejnemiltisej uan kenijkatsa techpaleuis tlaj kiampa tijchiuasej. Xijpouakaj Proverbios 7:7-27 uan xikitakaj nopa VIDEO. Teipa xijnankilikaj ni tlajtlanili:
-
¿Kenke nopa telpokatl kiyoltilanki tlen amo kuali? (Xikitakaj Proverbios 7:8, 9).
-
Proverbios 7:23, 26 kiijtoua katli kichiuaj tlen amo kinamiki iuaya se akajya katli amo ininnamik, kinpano tlen amo kuali. ¿Kenijkatsa tiitstosej tlaj kuali timonejnemiltisej?
-
¿Kenijkatsa techpaleuis nochipa ma tiyolpaktokaj tlaj kuali timonejnemiltisej?
Sekij moiljuiaj toTeotsij amo teiknelia pampa Biblia kiijtoua amo kuali tlaj se akajya mosiuaneki o motlakaneki. Maske kiampa moiljuiaj, Jehová tlauel techiknelia uan kineki nochi maseualmej ma itstokaj nochipa ika pakilistli. Uan tlaj tijnekij kiampa tiitstosej, moneki tijneltokasej itlanauatiljuaj. Xijpouakaj 1 Corintios 6:9-11 uan xijnankilikaj ni tlajtlanili:
-
¿ToTeotsij amo kuali kiita san kema se akajya mosiuaneki o motlakaneki?
Tlaj tijnekij tijyolpakiltisej toTeotsij, nochi moneki tijpatlasej se keski tlamantli ipan tonemilis. ¿Timoiljuia techpaleuis tlaj kiampa tijchiuasej? Xijpouakaj Salmo 19:8, 11 uan xijnankilikaj ni tlajtlanili:
-
¿Timoiljuia ouij tlen toTeotsij technauatia? ¿Kenke kiampa timoiljuia?
Jehová kinpaleuijtok miakej maseualmej kuali ma monejnemiltikaj uan ta nojkia mitspaleuis.
TLEN SEKINOK KIIJTOUAJ: “Amo kenijki tlaj se akajya moteka iuaya seyok tlaj moikneliaj”.
-
¿Ta tlake tikijtoskia?
TLEN TIMOMACHTIJKEJ
Jehová kichijki se tlakatl uan se siuatl ma motekakaj sansejko uan kiampa moyolpakiltisej, uan ni uelis kichiuasej san katli mosenkajtokej.
¿Tlake tijyekok?
-
¿Tlake nojkia kiijtosneki tijchiuas tlen amo kinamiki iuaya se akajya katli monamik?
-
¿Tlake techpaleuis amo tijchiuasej tlen amo kinamiki iuaya se akajya katli amo tonamik?
-
¿Kenijkatsa techpaleuia kema tijchiuaj ipan tonemilis tlen Jehová technauatia?
NOJKIA XIKITA NI
Xikita kenke toTeotsij kineki ma mosenkauakaj se tlakatl uan se siuatl katli kinekij itstosej sansejko.
Xikita kenke tlen Biblia kiijtoua amo kichiua ma tikinchikoitakaj yon ma tikinkualankaitakaj katli mosiuanekij o motlakanekij.
“¿Amo kuali tlaj timosiuanekis o timotlakanekis?” (Tlamachtili ipan jw.org)
Xikita kenijkatsa toTeotsij itlanauatiljuaj techpaleuia amo ma tijchiuakaj tlen amo kinamiki iuaya se akajya katli amo tonamik.
Ipan nopa tlamachtili “Kinextijkej nechtlepanitaj”, xikita tlake kipaleuik se tlakatl ayokmo ma mosiuaneki uan ma kichiua tlen toTeotsij kipaktia.
“Biblia kinpaleuik kuali ma monejnemiltikaj” (Tlen Tematiltia, abril 1, 2011)
a Nojkia kiijtosneki kema mopipitsouaj uan mochichij kampa amo kinamiki (sexo oral), kema mochiuiliaj miak tlamantli ipan inintsinteno (sexo anal) o kema moijitskiaj kampa amo kinamiki.
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
