VƖƖMÃ sẽn yaa to-to rũndã-rũndã wã pa zems ne Wẽnnaam sẽn da rat sɩngrẽ wã ye. Tẽngã ra segd n pida ne neb sẽn sakd b Naandã, n tũud a noyã, la b rɩkd a togs-n-taare. B ra na n naagda taab n tʋmd ne sũ-noogo, n bãngd bõn-paala, la b kɩt tɩ tẽngã gill lebg arzãna.

• “Bãmb n kɩtd tɩ zabã sẽn be dũniyã tɛk fãa wã sɛ.”—Yɩɩn-sõamyã 46:10.

• “Wakat ning yãmb sẽn yãkã taame tɩ y na n. . . sãam neb nins sẽn sãamd tẽngã.”—Vẽnegre 11:18.

• “Tẽngã ned kõn yeel t’a ka keem ye!”—Ezayi 33:24.

• “Neb nins mam sẽn yãkã na n dɩɩ b nus tʋʋmã yõodo.”—Ezayi 65:22.

Wãn to la bãngr-gom-kãensã na n wa pidsi? Wẽnnaam yãka a Biig a Zeezi, t’a yaa goosneem sẽn zems zãng Rĩmã. A na n zĩnda saasẽ n dɩ naam tẽngã zugu. Biiblã boonda goosneem-kãng tɩ Wẽnnaam Rĩungã. (Dãniyɛll 2:44) Biiblã goma a Zeezi yelle, n yeel tɩ Wẽnnaam na n kõo yẽ naam geere, t’a yɩ Rĩma.—Luk 1:32, 33.

A Zeezi sẽn wa n be tẽngã zugã, a maana bõn-kãsemse, n wilg t’a sã n wa lebg Rĩma, a na n maana bõn-sõma buud toor-toor ãdem-biisã neer yĩnga.

• A sãooga bãas la komslem buud fãa, n wilg t’a na n wa kɩtame tɩ ãdem-biisã bãasã sa.—Matiye 9:35.

• A kɩtame tɩ mogrã sĩndi, n wilg t’a na n wa kogla nebã tɩ koomã, sobgã la bũmb a taab ra sãam-b ye.—Mark 4:36-39.

• A rɩlga neb tusa, n wilg t’a na n wa kɩtame tɩ ãdem-biisã paam sẽn yaa tɩlɛ ne-bã.—Mark 6:41-44.

• A kɩtame tɩ koom lebg divẽ yi-kãadem kibs sasa, n wilg t’a na n wa maana bũmb toor-toor n noog nebã sũyã. —Zã 2:7-11.

Bõe la y tõe n maan n wa paam vɩɩm ning Wẽnnaam sẽn na n kõ sẽn nong-b yẽ wã? “Sor” n be y sẽn tog n tũ. Biiblã yetame tɩ yaa “sor ning sẽn tar n dabd vɩɩm zĩigẽ wã,” la t’a “yãtbã sõor paoodame.”—Matiye 7:14.

Sor ning sẽn dabd vɩɩm zĩigẽ wã yaa bõe? Wẽnnaam yetame: ‘Maam a Zeova n yaa fo Wẽnnaam, mam na n zãmsa foom f meng sõngr yĩnga, maam n tɛt foom sor ning fo sẽn be wã zugu.’ (Ezayi 48:17) Y sã n tũ so-kãnga, y vɩɩmã na n talla barka.

A Zeezi yeelame: “Maam la sorã, la sɩdã, la vɩɩmã.” (Zã 14:6) Y sã n tẽ bũmb nins a Zeezi sẽn zãms nebã la y rɩkd a togs-n-taare, y na n paama zood sẽn yaa sõma ne Wẽnnaam, la vɩɩm sẽn tar barka.

Wãn to la y tõe n bãng sor ning sẽn dabd vɩɩm zĩigẽ wã? Tũudmã yaa toɛy-toɛya. La a Zeezi yeelame: “Pa ned ning fãa sẽn boond maam tɩ ‘Zu-soaba, Zu-soaba,’ n na n kẽ saasẽ Rĩungã pʋgẽ ye. Yaa sẽn maand-a mam Ba sẽn be saasẽ wã raabã bala.” (Matiye 7:21) A paasame: “Yaa b biisẽ wã la y na n bãng-b n welge.” (Matiye 7:16) Biiblã na n sõnga yãmb tɩ y tõog n bãng tũudum hakɩɩkã n bake.—Zã 17:17.

Bõe la y tõe n maan n tũ sor ning sẽn dabd vɩɩm zĩigẽ wã? Y segdame n baood n bãngd Soab ning sẽn yaa vɩɩmã kõatã. Yaa ãnda? A tara yʋʋr bɩ? A zʋg-kãsemsã la bʋse? Bõe la a maand ninsaalbã yĩnga? Bõe la a rat tɩ tõnd maane? *

 Wẽnnaam pa rat tɩ ninsaalbã vɩ tɩ yaa tʋʋma, rɩɩbo, reem la b zagsã rãmb yell gesg bal ye. A ratame me tɩ d bao n bãng-a, la d lebg a zoa. D tõe n wilg-a lame tɩ d nong-a lame, n maand a raabã. A Zeezi yeelame yaa: “Sẽn na yɩl n paam vɩɩm sẽn ka sɛtã, b segd n bãnga yãmb y ye bal sẽn yaa Wẽnnaam sɩd-sɩdã.”—Zã 17:3.

Tõe tɩ bũmb kẽer la y tog n toeem sẽn na yɩl n ta Wẽnnaam yam. Bõn-kãens toeeng tõe n yɩɩ toogo. La y sã n modge, y vɩɩmã na n talla barka. Sẽn na yɩl n sõng-y tɩ y paam sogsg nins y sẽn sokd y meng Wẽnnaam zugã leoore, a Zeova Kaset rãmbã tõe n wa zãms-y-la Biiblã, wakat la zĩig ning y sẽn date. Y tõe n kẽe tõnd sɩtã sẽn yaa www.isa4310.com n gʋls tõndo.