സാത്താൻ പറഞ്ഞ ആദ്യത്തെ നുണ​യോ​ടെ​യാ​ണു ഭൂമി​യിൽ തിന്മ ആരംഭി​ച്ചത്‌. സാത്താൻ ആദ്യം പൂർണ​നായ ഒരു ദൈവ​ദൂ​ത​നാ​യി​രു​ന്നു; പക്ഷേ, “സത്യത്തിൽ ഉറച്ചു​നി​ന്നില്ല.” (യോഹ​ന്നാൻ 8:44) ദൈവ​ത്തി​നു മാത്രം അവകാ​ശ​പ്പെട്ട ആരാധന മോഹി​ച്ചിട്ട്‌ സാത്താൻ ആദ്യത്തെ മനുഷ്യ​സ്‌ത്രീ​യായ ഹവ്വയോ​ടു നുണ പറഞ്ഞു; ദൈവ​ത്തി​നു പകരം തന്നെ അനുസ​രി​ക്കാൻ സാത്താൻ ഹവ്വയെ പ്രേരി​പ്പി​ച്ചു. ഹവ്വ അതിനു വഴി​പ്പെട്ടു. ഹവ്വയു​ടെ​കൂ​ടെ ചേർന്ന്‌ ആദാമും ദൈവ​ത്തോട്‌ അനുസ​ര​ണ​ക്കേടു കാണിച്ചു. ആദാമി​ന്റെ ആ തീരു​മാ​നം കഷ്ടപ്പാ​ടും മരണവും വരുത്തി​വെച്ചു.​—ഉൽപത്തി 3:1-6, 19 വായി​ക്കുക.

ദൈവ​ത്തോട്‌ അനുസ​ര​ണ​ക്കേടു കാണി​ക്കാൻ ഹവ്വയെ പ്രേരി​പ്പി​ച്ച​പ്പോൾ ദൈവ​ത്തി​ന്റെ പരമാ​ധി​കാ​ര​ത്തിന്‌, അതായത്‌ അത്യു​ന്നതൻ എന്ന നിലയി​ലുള്ള ദൈവ​ത്തി​ന്റെ സ്ഥാനത്തിന്‌, എതി​രെ​യുള്ള ഒരു മത്സരത്തി​നു തുടക്ക​മി​ടു​ക​യാ​യി​രു​ന്നു സാത്താൻ. മനുഷ്യ​രിൽ ഭൂരി​പ​ക്ഷ​വും ദൈവത്തെ തങ്ങളുടെ ഭരണാ​ധി​കാ​രി​യാ​യി അംഗീ​ക​രി​ക്കാ​തി​രു​ന്നു​കൊണ്ട്‌ സാത്താന്റെ പക്ഷം ചേർന്നി​രി​ക്കു​ന്നു. സാത്താൻ അങ്ങനെ, “ഈ ലോക​ത്തി​ന്റെ ഭരണാ​ധി​കാ​രി”യായി​രി​ക്കു​ക​യാണ്‌.​—യോഹ​ന്നാൻ 14:30; 1 യോഹ​ന്നാൻ 5:19 വായി​ക്കുക.

ദൈവ​ത്തി​ന്റെ പ്രവൃ​ത്തി​ക​ളെ​ല്ലാം അത്യു​ത്ത​മ​മാണ്‌. ദൈവത്തെ പൂർണ​മാ​യി അനുസ​രി​ക്കാ​നുള്ള പ്രാപ്‌തി​യോ​ടെ​യാ​ണു മനുഷ്യ​രെ​യും ദൂതന്മാ​രെ​യും ദൈവം സൃഷ്ടി​ച്ചത്‌. (ആവർത്തനം 32:4, 5) എന്നാൽ നന്മ ചെയ്യണോ തിന്മ ചെയ്യണോ എന്നു തീരു​മാ​നി​ക്കാ​നുള്ള സ്വാത​ന്ത്ര്യം ദൈവം നമുക്കു തന്നിട്ടുണ്ട്‌. ആ സ്വാത​ന്ത്ര്യം, വാസ്‌ത​വ​ത്തിൽ ദൈവ​ത്തോ​ടു സ്‌നേഹം കാണി​ക്കാ​നുള്ള അവസരം തരുന്നു.​—യാക്കോബ്‌ 1:13-15; 1 യോഹ​ന്നാൻ 5:3 വായി​ക്കുക.

ചുരു​ങ്ങിയ ഒരു കാല​ത്തേക്ക്‌ ദൈവം തന്റെ പരമാ​ധി​കാ​ര​ത്തിന്‌ എതി​രെ​യുള്ള മത്സരം അനുവ​ദി​ച്ചി​രി​ക്കു​ന്നു. എന്തു​കൊണ്ട്‌? ദൈവത്തെ കൂടാ​തെ​യുള്ള ഒരു ഭരണവും ആളുകൾക്കു പ്രയോ​ജനം ചെയ്യി​ല്ലെന്നു കാണി​ക്കു​ന്ന​തി​നു​വേണ്ടി. (സഭാ​പ്ര​സം​ഗകൻ 7:29; 8:9) 6,000 വർഷത്തെ മനുഷ്യ​ച​രി​ത്രം  അതിന്റെ സത്യത തെളി​യി​ക്കു​ന്നു. യുദ്ധം, കുറ്റകൃ​ത്യം, അനീതി, രോഗം എന്നിവ​യൊ​ന്നും ഇല്ലാതാ​ക്കാൻ മനുഷ്യ​ഭ​ര​ണാ​ധി​കാ​രി​കൾക്കു കഴിഞ്ഞി​ട്ടില്ല.​—യിരെമ്യ 10:23; റോമർ 9:17 വായി​ക്കുക.

എന്നാൽ മനുഷ്യ​ഭ​ര​ണം​പോ​ലെയല്ല ദൈവ​ത്തി​ന്റെ ഭരണം. ഈ ഭരണം അതിനെ അംഗീ​ക​രി​ക്കു​ന്ന​വർക്കു പ്രയോ​ജനം ചെയ്യുന്നു. (യശയ്യ 48:17, 18) മനുഷ്യ​ന്റെ എല്ലാ ഗവൺമെ​ന്റു​ക​ളെ​യും ദൈവം ഉടൻതന്നെ നീക്കം​ചെ​യ്യും. ദൈവ​ത്തി​ന്റെ ഭരണത്തി​നു കീഴ്‌പെ​ടാൻ മനസ്സു​കാ​ണി​ക്കു​ന്നവർ മാത്രമേ ഭൂമി​യിൽ ഉണ്ടായി​രി​ക്കൂ.—യശയ്യ 11:9.​—ദാനി​യേൽ 2:44 വായി​ക്കുക.

ദൈവം കഷ്ടപ്പാട്‌ അനുവദിക്കുന്നത്‌ എന്തുകൊണ്ട്‌? എന്ന വീഡിയോ കാണുക

യഹോ​വയെ ആത്മാർഥ​മാ​യി സ്‌നേ​ഹി​ക്കു​ന്ന​തു​കൊ​ണ്ടല്ല ആരും ദൈവത്തെ സേവി​ക്കു​ന്ന​തെന്നു സാത്താൻ വാദിച്ചു. അതൊരു നുണയാ​ണെന്നു തെളി​യി​ക്കാൻ നിങ്ങൾക്ക്‌ ആഗ്രഹ​മു​ണ്ടോ? നിങ്ങൾക്ക്‌ അതിനു കഴിയും! ദൈവം ക്ഷമ കാണി​ക്കു​ന്ന​തു​കൊണ്ട്‌ ദൈവ​ത്തി​ന്റെ ഭരണമാ​ണോ മനുഷ്യ​ന്റെ ഭരണമാ​ണോ നമ്മൾ ആഗ്രഹി​ക്കു​ന്നത്‌ എന്നു തെളി​യി​ക്കാ​നുള്ള അവസരം നമുക്കു കിട്ടി​യി​രി​ക്കു​ന്നു. നമ്മുടെ ജീവി​ത​രീ​തി നമ്മൾ ഏതു തിര​ഞ്ഞെ​ടു​ത്തി​രി​ക്കു​ന്നെന്നു വ്യക്തമാ​ക്കും.​—ഇയ്യോബ്‌ 1:8-12; സുഭാ​ഷി​തങ്ങൾ 27:11 വായി​ക്കുക.

ദൈവ​വ​ച​ന​മായ ബൈബി​ളിൽ പറഞ്ഞി​രി​ക്കു​ന്ന​തു​പോ​ലുള്ള സത്യാ​രാ​ധന ഏതാ​ണെന്നു മനസ്സി​ലാ​ക്കി അതിനു ചേർച്ച​യിൽ ദൈവത്തെ ആരാധി​ക്കു​മ്പോൾ നമ്മൾ ദൈവത്തെ ഭരണാ​ധി​കാ​രി​യാ​യി അംഗീ​ക​രി​ക്കു​ക​യാണ്‌. (യോഹ​ന്നാൻ 4:23) യേശു ചെയ്‌ത​തു​പോ​ലെ, രാഷ്‌ട്രീ​യ​ത്തിൽനി​ന്നും യുദ്ധത്തിൽനി​ന്നും വിട്ടു​നി​ന്നു​കൊണ്ട്‌ നമുക്കു സാത്താന്റെ ഭരണത്തെ തള്ളിക്ക​ള​യാ​നു​മാ​കും.​—യോഹ​ന്നാൻ 17:14 വായി​ക്കുക.

അധാർമി​ക​വും ദുഷി​ച്ച​തും ആയ പ്രവർത്ത​ന​ങ്ങളെ പ്രോ​ത്സാ​ഹി​പ്പി​ക്കു​ന്ന​തി​നു സാത്താൻ തന്റെ അധികാ​രം ഉപയോ​ഗി​ക്കു​ന്നു. അത്തരം കാര്യ​ങ്ങ​ളിൽനി​ന്നു നമ്മൾ വിട്ടു​നിൽക്കു​മ്പോൾ ചില സ്‌നേ​ഹി​ത​രും ബന്ധുക്ക​ളും ഒക്കെ നമ്മളെ കളിയാ​ക്കു​ക​യോ എതിർക്കു​ക​യോ ചെയ്‌തേ​ക്കാം. (1 പത്രോസ്‌ 4:3, 4) അപ്പോൾ നമ്മൾ എന്തു ചെയ്യും? ദൈവത്തെ സ്‌നേ​ഹി​ക്കുന്ന ആളുക​ളു​മാ​യുള്ള സഹവാസം നമ്മൾ നിറു​ത്തി​ക്ക​ള​യു​മോ? സ്‌നേ​ഹ​ത്തോ​ടെ​യും ജ്ഞാന​ത്തോ​ടെ​യും ദൈവം തന്നിരി​ക്കുന്ന നിയമങ്ങൾ നമ്മൾ അനുസ​രി​ക്കാ​തി​രി​ക്കു​മോ? ഇക്കാര്യ​ങ്ങ​ളിൽ ശരിയായ തീരു​മാ​ന​മെ​ടു​ക്കു​മ്പോൾ, സമ്മർദ​ത്തിൻകീ​ഴിൽ ആരും ദൈവ​ത്തോ​ടു വിശ്വ​സ്‌ത​രാ​യി​രി​ക്കില്ല എന്ന സാത്താന്റെ വാദം ഒരു നുണയാ​ണെന്നു തെളി​യി​ക്കു​ക​യാ​യി​രി​ക്കും നമ്മൾ.​—1 കൊരി​ന്ത്യർ 6:9, 10; 15:33 വായി​ക്കുക.

മനുഷ്യ​രോ​ടു സ്‌നേ​ഹ​മു​ള്ള​തു​കൊണ്ട്‌ ദൈവം തിന്മയ്‌ക്കും കഷ്ടപ്പാ​ടി​നും അവസാനം വരുത്തു​മെന്നു നമുക്ക്‌ ഉറച്ചു വിശ്വ​സി​ക്കാം. ആ വിശ്വാ​സ​ത്തി​നു ചേർച്ച​യിൽ പ്രവർത്തി​ക്കു​ന്നവർ സന്തോ​ഷ​ത്തോ​ടെ ഭൂമി​യിൽ എന്നെന്നും ജീവി​ക്കും.​—യോഹ​ന്നാൻ 3:16 വായി​ക്കുക.