Додека си слушал вести, веројатно си забележал дека во име на религијата понекогаш се прават лоши работи. Тоа покажува дека не е можно Бог да ги прифаќа сите религии (Матеј 7:15). За жал, многу луѓе не се свесни дека е така. (Прочитај 1. Јованово 5:19.)

Но, Бог им обрнува внимание на луѓето што искрено го сакаат она што е добро и вистинито (Јован 4:23). Тој ги повикува таквите луѓе да ја дознаат вистината од неговата Реч, Библијата. (Прочитај 1. Тимотеј 2:3-5.)

Јехова Бог ги обединува луѓето што припаѓале на различни религии со тоа што ги поучува за вистината и ги учи да се сакаат еден со друг (Михеј 4:2, 3). Според тоа, вистинска религија е онаа во која владее љубов меѓу нејзините членови. (Прочитај Јован 13:35.)

Припадниците на вистинската религија ја темелат својата вера на Библијата и живеат според она што го пишува во неа (2. Тимотеј 3:16). Исто така, тие му оддаваат чест на Божјето име (Псалм 83:18). Освен тоа, го застапуваат Божјето Царство како единствена надеж за човештвото (Даниел 2:44). Тие го следат примерот на Исус и дозволуваат да ,свети нивната светлина‘ така што им прават добро на сите луѓе (Матеј 5:16). Значи, вистинските христијани ќе ги препознаеш по тоа што одат кај другите луѓе за да им ја пренесат добрата вест за Божјето Царство. (Прочитај Матеј 24:14; Дела 5:42; 20:20.)