Пред да се вознесе на небото во 33 год. од н.е., Исус Христос ветил дека ќе се врати. Себеси се споредил со благородник кој заминал на подолго време и подоцна се вратил со овластување да владее како цар. Исус требало да се врати со цел да воспостави една добра влада. (Прочитај Лука 19:11, 12.)

Дали Христос повторно ќе се врати на Земјата како човек? Библијата вели дека тој бил воскреснат како невидливо духовно суштество (1. Петрово 3:18). Потоа отишол на небото и седнал од десната страна на Бог (Псалм 110:1). По долго време, застанал пред Јехова Бог, „Прадревниот“, кој му дал власт над луѓето. Според тоа, Исус нема да се врати како човек, туку како невидлив Цар. (Прочитај Даниел 7:13, 14.)

Кога ќе пристигне како Цар заедно со своите ангели, Исус ќе им суди на луѓето. Злобните ќе ги уништи, а оние што ја прифаќаат неговата власт ќе ги награди со вечен живот. (Прочитај Матеј 25:31-33, 46.)

Кога Исус ќе владее како Цар над Земјата, таа ќе стане рај. Исус ќе ги воскресне мртвите за да живеат во тој рај. (Прочитај Лука 23:42, 43.)