Katak eo Ejjab Mol Ken Karuo: Ro Renana Rej Iñtan ilo Hell
Katak eo Ejjab Mol Ken Karuo: Ro Renana Rej Iñtan ilo Hell
Ewi wãwen an kar katak in ejjab mol jino walok? “Armij eo ian aolep dri meletlet ro jen Grik me elaptata an kar jelet lemnok ko an armij kin Hell, kar Plato.”—Bwebwenato eo kin Hell (Histoire des enfers), jeje in Georges Minois, peij 50.
“Ilo enañin 1,850 yiõ ko remotlok, dri Kristian ro me rar katak kin katak ko an dri Grik ro rar jino lemnok bwe rar aikwij kwalok tõmak eo air ekkar ñõn wãwen lemnok eo an dri Grik . . . Lemnok eo me ear emõntata ibeir kar katak ko an Plato.” *
“Katak eo an kabuñ in Catholic ej ba bwe eor juõn jikin kijeek etan hell im ej ber ñõn indrio. Elikin wõt air mij, an ko an ro rar kõmõn jerawiwi ko relap renaj wõnlõllok ñõn hell, ijo rej iñtan ilo ‘kijeek eo ej indrio.’ Jenolok jen Anij ñõn indrio ej kaje eo elaptata ilo hell.”—Kemelele ko kin Katak ko an Kabuñ in Catholic (Catechism of the Catholic Church), 1994 edition, peij 270.
Ta eo Baibel ej katakin kake? “Bwe ro re mour re jela bwe re naj mij: a ro re mij ejelok air jela, . . . bwe ejelok jerbal, ak men in kine, ak jela, ak meletlet, ilo Hedis, ijo kwoj ilok ñõn e.”—Ekklisiastis 9:5, 10.
Nan in Grik eo Hedis, me ej melelen “ijo jikin ro remij,” kar ukote ilo jet Baibel ko ñõn “hell.” Ta eo eon kein ruo rej kwalok kin wãwen ro remij? Rej ke iñtan ilo Hedis ñõn kõllã wõnan jerawiwi ko air? Jaab, kinke “ejelok air jela.” Eñin unin, ke ear lap an Job iñtan kin juõn nañinmij enana, ear akwelap ñõn Anij: “Kwon kejbãrok iõ ilo hell [Hedis, ilo kajin Grik].” (Job 14:13, Douay-Rheims Version) Enaj kar ta melelen kajitõk in an Job elañe Hedis ear juõn jikin iñtan ñõn indrio? Alikar Hell ak Hedis ilo Baibel eo ej melelen lũp eo lũpõn armij otemjej.
Melele in kin hell, ejjab laplok ke an alikar im errã iben Baibel eo? Ta bwir eo elap an nana enaj kar kamakõt juõn Anij in yokwe ñõn kaiñtan juõn armij ñõn indrio? (1 Jon 4:8) Bõtab elañe kijeek ilo hell ej juõn katak ejjab mol, ej ke melelen bwe mour ilõñ ej bareinwõt juõn katak ejjab mol?
[Kamelele eo itulal]
^ The New Encyclopædia Britannica (1988), Volume 25, peij 890.
Keiri eon kein ilo Baibel eo: Sam 146:3, 4; Jerbal 2:25-27; Dri Rom 6:7, 23
MOL EO:
Anij ejjab kajeik armij ro ilo juõn kijeek ilo hell
[Pija ilo peij 5]
[Kamelele in juõn pija ilo peij 5]
Dri nana ro—Giampolo/The Doré Illustrations For Dante’s Divine Comedy/Dover Publications Inc.