Jeova ear kõjeraam̦m̦ane Solomon ilo an kar lel̦o̦k el̦ap mãlõtlõt ñane. Ear bar lel̦o̦k jeraam̦m̦an eo ñan kalõk tampel̦ eo An. Ak jidik kõn jidik, ear etal im jako an Solomon kabuñ ñan Jeova. Ñe ewõr nejũm̦, kõmel̦el̦eiki kõn wãween an kar ro me rar kabuñ ñan anij ko rewaan kapoik Solomon bwe en bõjrak jãn an kabuñ ñan Anij. Tokãlik bwij ko ilo aelõñin Israel rar jepel, im kiiñ ro renana rar tõl armej ro bwe ren etal jãn kabuñ eo em̦ool im jino kabuñ ñan ekjab ko. Ilo iien kein, rar kaeñtaan im m̦an elõñ iaan rũkanaan ro retiljek an Jeova. Lerooj eo etan Jezebel ear l̦apl̦o̦k an kar kõm̦m̦an bwe armej ro ilo bwij ko joñoul ren etal jãn kabuñ eo em̦ool. Iien in ekar juon iien el̦ap an kar nana ilo Israel. Ak ear lõñ wõt rũkarejar ro retiljek an Jeova ilo Israel, ãinwõt Kiiñ Jihoshapat im rũkanaan Ilaija.