Anij ekõn̦aan bwe jen m̦õn̦õn̦õ im aenõm̦m̦an ilo juon pedetaij ijin ioon lal̦ ñan indeeo!

Bõlen kwõj l̦õmn̦ak im ba, ‘Eban wal̦o̦k men in!’ Bõtab, Baibõl̦ eo ej ba bwe Aelõñ eo an Anij enaaj kõm̦m̦an bwe en wal̦o̦k men in. Ej ankilaan Anij bwe aolep armej ro ren katak kõn kõn̦aan ko an ñan kõj im kõn Aelõñ eo an.​—Sam 37:11, 29; Jabõn Kõnnaan 2:21; Aiseia 9:7.

Anij ekõn̦aan men ko rem̦m̦antata ñan kõj.

Juon jemen em̦m̦an ekõn̦aan bwe ro nejin ren m̦õn̦õn̦õ. Ejjel̦o̦k oktak ippãn Jemed ilañ. Ekõn̦aan bwe jen m̦õn̦õn̦õ ñan indeeo. (Aiseia 48:17, 18) Em̦õj an kallim̦ur bwe armej eo me ej ‘kõm̦anm̦an ankilaan Anij enaaj pãd wõt ñan indeeo.’​—1 Jon 2:17.

Anij ekõn̦aan bwe jen etetal ilo ial̦ ko an.

Baibõl̦ eo ej ba bwe Ri Kõm̦anm̦an eo ad ekõn̦aan katakin kõj bwe jen maroñ “etetal ilo ial̦ ko An.” (Aiseia 2:2, 3) Anij ear kããlõt juon kumi in armej im rej jutak kõn etan ñan kwal̦o̦k naan ipel̦aakin lal̦ in kõn ankilaan.​—Jerbal 15:14.

Anij ekõn̦aan bwe jen bõrokuk ilo ad kabuñ ñan e.

Kabuñ eo em̦ool an Jeova ejjab kõjepel armej ro. Kabuñ eo em̦ool ej kabõrokuk armej ro bwe ren yokwe doon. (Jon 13:35) Wõn ro rainin rej katakin em̦m̦aan im kõrã ro ijoko otemjej bwe ren ippãn doon ilo aer karejar ñan Anij? Eokwe kwõnaaj make kile wõn rein ilo am̦ naaj etale bok in.