Uzye Yesu Walolekanga Uli?
Vino Baibo yalandapo
Kusi uwamanya ningo vino Yesu walolekanga, pano imilolekele yakwe italondololwa muli Baibo. Cii cikalangilila ukuti imilolekele yakwe Yesu itacindama. Lelo Baibo ikatuneenako vimwi Milolekele: Yesu wali u Muyuda nupya afwile wakolineko na nyina muli vimwi. (Aebele 7:14) Afwile ataali ni milolekele iiyele. Pa nsita imwi wafumile uku Galili nu kuya uku Yelusalemu ukwaula ukut ali wensi amumanye. (Yoani 7:10, 11) Nupya ataali ni milolekele ipusane na asambi yakwe. Iusyini ukuti Yuda Isikalyoti wasokolwile Yesu ukwi umba lya yantu ilyali ni vyanzo amulemile.—Mateo 26:47-49.
Utali wa nyele: Yesu afwile ataakweti inyele izitali, pano Baibo ikalanda ukuti “i ca muzewanya uku monsi ukukwata inyele izitali.”—1 Kolinto 11:14.
Vilezu: Yesu wakweti vilezu. Walondelanga isunde lya Yayuda ilitaazumilizye aonsi aikolo ‘ukuputula umu mbali ya vilezu.’ (Aina Levi 19:27; Galatiya 4:4) Nupya Baibo yalumbula ivilezu vyakwe Yesu umu usesemo uwalanda pa kucula kwakwe.—Ezaya 50:6.
Mwili: Vyonsi vikalangilila ukuti Yesu wali sana na maka nu umi usuma. Wapitanga intamfu itali sana lino waombanga umulimo wa kusimikila. (Mateo 9:35) Wasangulwile itempele lya Yayuda imiku iili nu kupenoola matebulo yakwe yano yakauzyanga impiya, nupya pa muku onga wazinzilemo iviteekwa ukuomvya swepu. (Luka 19:45, 46; Yoani 2:14, 15) Ibuku lyakuti McClintock and Strong’s Cyclopedia lyalanda ukuti: “Mulimo onsi uno Yesu waomvile ukalanga ukuti wali sana nu umi usuma na maka.”—Volume IV, ifwa 884
Milolekele ya cinso: Yesu wali na ucuza nupya wali ni cikuuku, nupya imilolekele yakwe iya cinso yalangililanga vivyo kwene. (Mateo 11:28, 29) Antu amisango yonsi yayanga kuli aliwe kuti akayateekezye nu kuyavwa. (Luka 5:12, 13; 7:37, 38) Nanti sile ana anono yuvwanga ningo ukuya pamwi nawe.—Mateo 19:13-15; Mako 9:35-37.
Ivya ufi vino antu yakalanda pa milolekele yakwe Yesu
Ivya ufi: Yamwi yakalanda ukuti Yesu wali umwina Africa pano ibuku lya Kusokolola lyakolanya inyele zyakwe kuli pamba ni ingazo zyakwe kuli “koopa aakwengululwa.”—Kusokolola 1:14, 15.
Cisinka: Ibuku lya Kusokolola lyalembwa ukuomvya “ivimanyililo.” (Kusokolola 1:1) Ulondolozi wa nyele ni ngazo zyakwe Yesu waomvya ululimi lwa unkolanya pa kulondolola imiyele yakwe Yesu pa cisila ca kutuutululwa kwakwe asi imilolekele yakwe lino wali pano nsi. Vino pali Kusokolola 1:14 palanda ukuti “umutwe wakwe ni nyele vyali ivitiswe wakwe pamba nupya vyali wa usu wa mvula,” Pasilangilila ukuti avino inyele zyakwe zyali. Cii cikalangilila amano yano wakwata pa mulandu wa kwikala imyaka iingi. (Kusokolola 3:14) Icikomo cii cisilozya umu kuti inyele zyakwe Yesu zyaya viivi kwene vino pamba waya nanti ukuti zyaya wa usu wa mvula.
Ingazo zyakwe Yesu “zyayengesanga kwati a koopa aakwengululwa umwi lungu.” (Kusokolola 1:15) “ni cinso cakwe calolekanga kwati ilanzi vino likayengesa kasanya nga kawalisya.” (Kusokolola 1:16) Vino kutaaya umutundu wa yantu aakaloleka wa vintu vii ivyalondololwa, icilolwa cii cifwile ukuya ica unkolanya sile, icikalangilila Yesu uwatuutulwilwe ukuti akaikala “mu cifulo ca luswepo muno kusi muntu angapalamako.”—1 Timoti 6:16.
Ivya ufi: Yesu ataali na maka.
Cisinka: Yesu wali na maka muli vino wacitanga. Wasifile nu kuisokolola ukwi umba lya yantu aile umu kumulema ala yali ni vyanzo. (Yoani 18:4-8) Nupya Yesu afwile wali sana na maka pa kuomba umulimo wa kuwaza uukalondekwa ukuomvya maka.—Mako 6:3.
U mulandu ci fwandi uno Yesu walondekwanga uwazwilizyo pa kusenda icimuti cakwe ica kucuziwilwapo? Nupya u mulandu ci uno wafwilile zuwa lino yauze yano wapopiilwe pamwi nayo yatatala yafwa? (Luka 23:26; Yoani 19:31-33) Lino Yesu atatala wapopelwa, umwili wakwe aalanga iutonta sana. Ataizi usiku onsi pa mulandu na vino wasakamikwe sana. (Luka 22:42-44) Umu nsita ya usiku Ayuda yamucuzizye sana, nupya akatondo akalondelilepo aina Loma yamucitiile iviipe sana. (Mateo 26:67, 68; Yoani 19:1-3) Vyonsi kwene vivyo vifwile vyalenzile ukuti afwe zuwa.
Ivya Ufi: Yesu wayanga nu ulanda sana lyonsi.
Cisinka: Yesu wakolanyanga sana imiyele ino Isi uwa kwi yulu Yeova wakwata, wino Baibo ikalondolola ukuti a “Leza wa nsansa.” (1 Timoti 1:11; Yoani 14:9) Nupya Yesu wasambilizyanga yauze ivya kuya ni nsansa. (Mateo 5:3-9; Luka 11:28) Ivisinka vii vikalangilila ukuti ilingi Yesu wayanga ni nsansa umu milolekele yakwe iya cinso.
Limwi Mungatemwa Ukulolako na Vii
MASAMBILILO AA MULI BAIBO AACINDAME
Tungasininkizya Uli Ukuti Vino Baibo Ikalanda I Vya Cumi?
Ndi cakuti Baibo yalemvilwe na Leza, ale yene yapusana sana na mabuku yonsi yano antu yalemba.
PALI SWESWE
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.