Bann milyon Temwin Zeova ek bann lezot dimounn pou zwenn ansam Mardi, le 7 Avril 2020, pou enn parmi bann levennman pli inportan sa lane-la, Memoryal lamor Zezi. Me sa lane-la, akoz lepidemi mondial COVID-19, sa memoryal-la pou fer dan enn fason ki zame nou pa’nn fer avan. Dan lemond antie, boukou parmi nou pou zwenn ansam atraver video-konferans.

Akoz lepidemi mondial coronavirus, dan boukou pei, bann lotorite inn interdi ki bann dimounn fer bann gran rasanbleman. Akoz sa, dan lemond antie, boukou lasanble pe servi sistem video-konferans pou fer bann renion ki zot abitie fer toule semenn. Sa bann lasanble-la pou servi osi sistem video-konferans pou selebre Memoryal. Pou bann lezot dimounn, pou ena enn program ki’nn fini anrezistre ki pou disponib lor jw.org.

Plis ki 20 milyon dimounn ti asiste Memoryal lane dernier. Sa lane-la, nou espere ki bann milyon dimounn ankor pou kapav asiste Memoryal par video-konferans, par telefonn, ouswa gras-a video ki ena lor jw.org.

Dan boukou pei, sa viris-la pe kontign fane ek li enn danze pou boukou dimounn. Pou sekirite nou bann frer ek ser, li inportan ki nou kontign obeir bien bann linstriksion ki bann lotorite done, ziska ki nepli ena okenn danze. Nou ena konfians ki Zeova pou ed nou ek nou determine pou kontign swiv lord ki Zezi inn done pou “kontign fer sa an mo memwar.”​—Lik 22:19.