Jiyo. Na kjuana, ne Biblia mama ke e Mizhokjimi pje nrre bo dyⱥtrʼⱥ nrre nʼaño “jango ga ngeji” kʼo bʼꞹbʼꞹ kja ne xoñijoma, a nzakja yo ntee, yo animale o yo pje nrre ma pjiño (Génesis 1:12, 21, 25, 27; Apocalipsis 4:11). Ne Biblia mama ke yo ntee je ni ñe̱je̱ kja yo otrʼꞹ tata ke nge e Adán ñe Eva (Génesis 3:20; 4:1). Dya mama ke o kjogꞹ ja ga mbeñe yo ntee de nu evolución teística, kʼꞹ nee ra mama ke e Yose o dyⱥtrʼⱥ yo pje nrre bʼꞹbʼꞹ ko ne evolución. Ne Biblia, dya kⱥdʼⱥ kʼo a chøtrʼꞹ nu ciencia ke nrre nʼaño yo animale zø dʼatrjo kʼua janzi ga ngeji. b

•  ¿Pje nrre creoji janzi ntee?

•  Kʼo mama ne evolución, ¿chjetrjui kʼo mama ne Biblia?

•  Ma ra pøtꞹ texe yo ñꞹnꞹ ñe yo ñʼomꞹ kja ne xoñijomꞹ, ¿nujyo ñetsʼe ke nge evolución?

 Ne jñaa evolución teística pje nrre nee ra mama. Ne skuama Encyclopædia Britannica, mama ke “e Diosi pjørꞹ na joo nu xoñijomꞹ ma usao yo pje nrre pøtꞹ janzi rga kjaji ma ra iji”.

 Ne evolución teística xo nee ra mama yo jñayo:

•   Texe yo ñʼomꞹ xo ga kjaji janzi ma kjaji nu kʼo mi bʼꞹbʼꞹ nrreze mi jingua.

•   Dʼaja kʼꞹ ñʼomꞹ søø ra pøtꞹ ñe ra mbɇzhi xe kʼa dʼaja ke ri nʼaño. Nujyo xiji macroevolución.

•   Nudyama ngeje e Mizhokjimi kʼꞹ kjaa texedyayo.

 Ma kʼe evolución teística ri bʼemi nu kʼo mama Génesis ja ba trʼⱥtrʼⱥ yo ri jandaji, dya rga kjuanama. Pe e Jesús go mama ke na kjuana ja bi kjogꞹkʼo. (Génesis 1:26, 27; 2:18-24; Mateo 19:4-6). Nu Biblia mama ke e Jesús ma dya bʼe ma e̱je̱ kja xoñijomꞹ mi bʼꞹbʼꞹ ko e Diosi ajensʼe ñe o mbøsʼꞹ ro dyⱥtrʼⱥ “texe yo bʼꞹbʼꞹ” (Juan 1:3). Ngekʼua nu jñaa kʼꞹ manji ke Mizhokjimi go usao nu evolución ngekʼua ro dyⱥtrʼⱥ yo pje nrre ñʼomꞹ dya chjetrjui nu kʼo jizhi ne Biblia.

 Nu Biblia dya mama jesta søø ra pøtꞹ ja ga nge nʼaja kʼꞹ ñʼomꞹ o ja xi nzi ra pøtꞹ. Dya xo mama ke dya søø ra pøtꞹ yo animale ñe texe yo kjaa yo bo dyⱥtrʼⱥ e Diosi ma ra iji o ma ra pøtꞹji ja kʼo ra bʼꞹnji. Ma janrraji yo pje pøtꞹ, bʼꞹnkʼo mbeñeji ke nujyo ngeje evolución, pe nujyo o pøtꞹ dyaxi go tsjapꞹ ro bʼꞹbʼꞹ xe nʼaño kʼꞹ pɇsʼi o vida.