¿Janzi trju̱u̱ pɇsʼi e Palesito ajesʼe?
K’o mama ne Biblia
Mizhokjimi pɇsitrjo dʼa trju̱u̱ Kja nu jña hebreo opjꞹji יהוה ñe kja jñangicha “Jehová”. a E Diosi bo tsjaa ke nu propjeta Isaías ro dyopjꞹ: “Ngezgø e Jehová” (Isaías 42:8). O trju̱u̱ e Diosi ixi b’ꞹb’ꞹ 7.000 bes kja Jñakjimi, mazi go dyopjꞹjinu ke dʼaja trju̱u̱ ke dya ri nge Jehová. Ngekʼua ma ra jñaji ko angeze ra zøpjꞹji ko o trju̱u̱. b
¿E Jehová xi pɇsʼi kʼo dyaja trju̱u̱?
Zø e Jehová pɇsʼi na punkjꞹ título ke jitsiji ja ga nge angeze, nange dʼatrjo trju̱u̱ pɇsʼi, ke nge e Jehová. Kja ne Jñakjimi ri chøtrʼꞹ yo título, ñe ra xitsʼi ja ga ngeje e Jehová. Ñuʼu ja ga kjayo, kja ne skuama ri chøtrʼꞹ na lista ke ra xitsʼi ja ga ngeyo.
Título o ja ga nge |
Nu ja ri chøtrʼꞹ kja ne Jñakjimi |
Pje nee ra mama |
|---|---|---|
Alá |
(Dya bʼꞹbʼꞹ) |
Alá nge na jñaa ke je ni ñe̱je̱ kja yo árabe, dya nge dʼa trju̱u̱, nge dʼa títúlo ke nee ra mama “Diosi”. Kja yo Jñakjimi ke o potʼꞹji a árabe, o jñusʼꞹji— Alá ke eñe nge Mizhokjimi |
Alfa ñe Omega |
Alfa nge nu ni mbʼꞹrꞹ yo letra kja nu alfabeto griego,nu omega nge nu ninguarꞹ. Kʼꞹ nee ra mama nge ke Jehová otrʼꞹ o bʼꞹbʼꞹ ñe kʼꞹ ni nguarꞹ o ke dya kja kjo xi ra bʼꞹbʼꞹ”. Nujyo nee ra mama ke dya go bʼꞹbʼꞹ na Diosi ke mazi rga zɇzhi, ñe kʼꞹ dya xo ra bʼꞹbʼꞹ kʼꞹ dʼaja nzakja angeze (Isaías 43:10). |
|
Kʼꞹ ⱥtrʼⱥ sⱥbʼⱥ |
Angeze manda texe yo tee ñe yo nrrajñijñi, nzakja kʼꞹ ⱥtrʼⱥ sʼⱥbʼⱥ søø ra tsjaa nu mbejomꞹ ja ga nee (Romanos 9:20, 21). |
|
Tsʼita jesʼe |
Kʼꞹ manda texe. |
|
Palesito ajensʼe |
Kʼo nee ra mama dya kjo bo jmusʼꞹ a mi bʼꞹntrjo ma dya kjo mi bʼꞹbʼꞹ (Salmo 90:2). |
|
Nee ke ngextrjo angeze ra ⱥtⱥji |
Dya nee ke ra ⱥtⱥji nandyo diosi, ne jñaa ne ra mama ke “ngextrjo angeze ra ⱥtⱥji” (Traducción del Nuevo Mundo [con referencias], nota). |
|
Kʼꞹ go dyⱥtrʼⱥ |
Kʼꞹ go dyⱥtrʼⱥ texe kʼo bʼꞹbʼꞹ ajesʼe ñe kʼo bʼꞹbʼꞹ kja ne xoñijoma. |
|
Mizhokjimi |
Nee ra mama ke ngextrjo angeze ra ⱥtⱥji nange me na zɇzhi. Ne jñaa hebreo ʼElohím je ni ñe̱je̱ kja nu jñaa plural ke nee ra mama ke mazi na nojo, ñe ke mazi ra tʼekjañomꞹji ke nge e Jehová. |
|
Na Diosi ke me dʼakji |
1 Timoteo 1:11, Reina-Valera |
Pⱥpⱥji ke me mⱥjⱥ na nge dʼakji na punkjꞹ (Salmo 104:31). Xo ngeje na “Yose ke me to̱jia” (Traducción del Nuevo Mundo [con referencias]). |
Mizhokjimi kja yo diosi |
Nee ra mama ke nge na Mizhokjimi ke mazi na nojo ke texe yo “diosi ke dya pje dyeji” (Isaías 2:8). |
|
Xopute |
Isaías 30:20, 21, La Biblia de las Américas |
K’ꞹ jitsʼkʼøji kʼo na joo (Isaías 48:17, 18). Xo søø ra xiji dʼa “xopunte ke me na mubi ñe pjechi ra jizhi na joo” (Traducción del Nuevo Mundo [con referencias]). |
Kʼꞹ bo dyⱥtrʼⱥ nrrexe |
Kʼꞹ bo dyⱥtrʼⱥ nrrexe ajesʼe ñe kʼo bʼꞹ bʼꞹ kja ne xoñijomꞹ (Apocalipsis 4:11). |
|
Kʼꞹ ⱥrⱥ texe yo ri øtꞹji |
Kʼꞹ ⱥrⱥtsʼɇ ma ri øtꞹji ñe ri enchʼeji kja in mꞹbʼꞹji. |
|
Tata |
Nge kʼꞹ dʼakøji in zakꞹ. |
|
Mbørꞹ |
Kʼꞹ pjørꞹ nzi dʼatskøji yo ri ⱥtⱥji |
|
Kꞹ o nrro̱ngꞹnzꞹji |
Isaías 41:14; Reina-Valera |
Texe yo ntee ri pɇsʼiji nzhubʼꞹ nange ri tu̱ji, ngekʼua e Diosi bo chʼunꞹ o trʼi ngekʼua ro søø ro minkʼøji texe yo paa (Juan 3:16). |
Kʼꞹ dya ra jyɇzi ra manda |
Kʼꞹ o mbꞹrꞹ ro manda ñe dya ra jyɇzi ra manda |
|
Trjanrrojo |
Nge nu ja søø ra ma tsjo̱jo̱ji ngekʼua dya pje søø ra tsjakji. |
|
K’ꞹ pjøxkꞹji dya ra tu̱ji |
Pjøxkꞹji ma ri pɇsʼiji nrrumꞹ ñe ma ra tu̱ji ra yepe ra xoxkꞹji |
|
Kʼꞹ dya pɇsʼi nzhꞹbʼꞹ |
Kʼꞹ dya pɇsʼi ni ri na nzhubʼꞹ, (Kʼꞹ mazi na jonte) ajesʼe ñe kja texe ne xoñijomꞹ. |
|
Sɇɇ ajesʼe |
Nu jmuu o lamu kja hebreo ʼAdhóhn y ʼAdhoním. |
|
Siñu nu manda texe |
Kʼꞹ ngextrjo nu manda ajesʼe ñe kja ne xoñijomꞹ, je ni ñe̱je̱ kja nu jñaa hebreo ’Adhonái. |
|
Jmuu ajesʼe |
Ke nge nu manda nrrexe ne xoñijomꞹ ñe ajesʼe. |
|
Kʼꞹ mazi na sɇzhi |
Dya b’ꞹbʼꞹ ni ri dʼaja ke rga sɇzhi nzakja angeze. Nu jñaa hebreo ’El Schaddái, ne ra mama “Na Diosi kʼꞹ mazi na zɇzhi”, o dyopjꞹji siete mil bes kja ne Biblia. |
|
Yahvé Sebaot, Kʼꞹ manda texe yo xundaro |
Isaías 1:9, Romanos 9:29, Biblia de Jerusalén, 1998 |
Nge kʼꞹ manda texe yo anxe ajesʼe. Xo søø ra manji “Jehová kʼꞹ manda texe yo xundaro” o “SIÑU ñe texe yo anxe ajesʼe” (Romanos 9:29, Traducción del Nuevo Mundo [con referencias], Nueva Traducción Viviente). |
Ngezgø kʼꞹ nge |
Éxodo 3:14, Biblia de Jerusalén |
Dya ngextrjo ke bʼꞹbʼꞹ Mizhokjimi, ne jñaa hebreo nee ra mama ke e Diosi søø ra tsjaa texe kʼo ni jyodʼꞹ ngekʼua ra tsjaa texe kʼo nee. Xo søø ra manji “Ngetsʼkʼø e Jehová dya ra potꞹgø” xo “Ngetsʼkʼø ra kjagø nrrexe kʼo ri negø” (Traducción del Nuevo Mundo [con referencias]; nota). Nujyo pjøxkꞹji ra pa̱ra̱ji na joo pje nee ra mama o trju̱u̱ e Yosi, Jehová, ñe ri chøtrʼꞹ kja ne bersikulo (Éxodo 3:15). |
kja nu Jñakjimi hebreo nu ja ri tøtrji yo trju̱u̱ ja ngeji
Xo bʼꞹbʼꞹ nuja o jñu̱sʼꞹji o trju̱u̱ e Jehová kja nu jñaa hebreo, dya søø ra manji ke nge dʼa trju̱u̱ e Mizhokjimi.
Nu ja nge |
Nu ja o jñu̱sʼꞹji kja ne Biblia |
Kʼo ne ra mama |
|---|---|---|
Jehová-nisí |
“Jehová nge nzakja na Poste na-Señal” o “nzakja na estandarte” (La Palabra de Dios para Todos). Nee ra mama ke texe kʼo ra chɇzhi ko angeze, e Jehová ra mbørꞹ ñe ra mbøsʼꞹ (Éxodo 17:13-16). |
|
Jehová-salom |
“E Jehová dya jodʼꞹ chu̱ʼu̱”. |
|
Jehová-sama |
Ezequiel 48:35, Reina-Valera |
“E Jehová bʼꞹbʼꞹnu”. |
Jehová-yiré |
“Jehová dʼakji kʼo ni jyongꞹji”. |
Pjenga me na mubi ra pa̱ra̱ji o trju̱u̱ e Jehová ñe ra nⱥmbʼⱥji
Jehová pa̱ra̱ ke me na mubi ra nⱥmbʼⱥji o trju̱u̱ ngekʼua o tsjaa ke ro jñu̱sʼꞹji miles de bes kja ne Biblia (Malaquías 1:11).
E Jesucristo ma o bʼꞹbʼꞹ kja ne xoñijomꞹ, me go ñetse ke me ni mubi o trju̱u̱ nu tata nange ma mi jizhi yo ntee mi mama: “Nⱥmbʼaji o trju̱u̱ ni Tatagø”, ñe ra xopꞹji yo dya pa̱ra̱ji o tju̱u̱ e Tsʼita jesʼe (Mateo 6:9; Juan 17:6).
Yo ntee ke pa̱ra̱ji e Jehová ñe nⱥmbʼⱥji o trju̱u̱, ñetse ke nee ra joji ko angeze (Salmo 9:10; Malaquías 3:16). Ñe ma ra jogøji ko e Mizhokjimi dyⱥrⱥ pje ra tsjaa, angeze mama: “Kʼꞹ me sʼiyazꞹ, ra pjøsʼꞹgø. Ra pjørꞹgø nangeje pa̱ra̱ in chju̱gø” (Salmo 91:14).
Kja ne Biblia mama: “Ka̱ra̱ na punkjꞹ kʼo xiji mizhokjimi kja ne xoñijomꞹ ñe ajesʼe’” (1 Corintios 8:5, 6). Ngekʼua mama ke e Jehová ngextrjo o trju̱u̱ e Mizhokjimi ke na kjuana (Salmo 83:18).
a Yo bʼɇzo ke pa̱ra̱ji na joo nu jñaa hebreo manji ke søø ra xipjiji “Yahweh” o “Yahvé”.
b O trju̱u̱ e Jehová søø ra ju̱sʼꞹji janzitrjo letra nzakja, Jah, kja Biblia bʼꞹbʼꞹ cincuenta bes. Nzakja ne jñaa Aleluya, ke nee ra mama “Alaben a Jah” (Revelación [Apocalipsis] 19:1; Reina-Valera).
Puede que también le interese
YO TRʹØNꞸ KJA O JÑAA E YOSE
¿Kjo ngeje e Jehová?
¿Nge dʼa Kjimi kja dʼatrjo jñiñi nza kja kʼo israelita mi jingua?
KJO NGEZGØJME
¿Gi nee kjo ra ma jitsʼi?
Ne Biblia ra nrrꞹrꞹ yo trʼønꞹ kʼꞹ i pɇsʼi ñe xo ri pa̱ra̱ kjo ngeje yo testigo e Jehová.