WER 55
Kik Uluorgi!
-
1. Joga sikuru gi kinda,
Ka ulando wach Pinyruoth.
Kik uluor jowasigu,
Joher adiera ong’e
Ni Wuoda ma locho Yesu,
Oseloyo jasigu,
Enomak motwe Satan,
Ogony dhano te a e tuech.
(KORAS)
Kik uluor, un jo mahero,
Kata ka wasigu ger.
Anarit jatich mageno
Mana kaka tong wang’a.
-
2. Kata jowasigu ka ng’eny,
Kata ka gibwogou,
Gilombu, ginyier kodu,
Ka gitemo wuondou.
Kik uluorgi un e joga
Kik uluor lit sand margi,
Anarit jotich mageno
Nyaka gitiek loyo lweny.
(KORAS)
Kik uluor, un jo mahero,
Kata ka wasigu ger.
Anarit jatich mageno
Mana kaka tong wang’a.
-
3. Kik iluor ngang’ ni oweyi,
Pod an e okumbani.
Kata ka itho e lweny,
Abiro tiekoni tho.
Kik uluor jonek mag ringre
To chuny ok ginyal ketho,
Chung’ motegno nyaka giko,
Ngima ibiro yudo!
(KORAS)
Kik uluor, un jo mahero,
Kata ka wasigu ger.
Anarit jatich mageno
Mana kaka tong wang’a.
(Ne bende Rap. 32:10; Neh. 4:14; Zab. 59:1; 83:2, 3.)