WER 100
Rwakgiuru Maber
-
1. Jehova nyiso ji duto herane.
Orito ji duto, ok obuon ng’ato.
Ochiwo koth gi chieng’, ma ok otuon ng’ato;
Omiyo chunywa chiemo gi mor.
Sama wanyiso ji ni pile wang’won,
Waluwo Nyasaye kaka nyithinde.
Wuonwa biro chulo ber duto mwatimo,
Kwanyiso ng’wonowa madiera.
-
2. Ok wanyal ng’eyo ber ma nyalo bedo
Kinde ma wakonyo joma chandore.
Wakonygi e chandruok, kata ka gin welo,
Pod wabiro mana rwakogi.
Mana kaka Lidia, wanyisgi ng’wono.
Sama gilimowa, gibedo mamor.
Nyasaye ong’eyo jogo duto me piny,
Mang’won gi ji duto kaka en.
(Ne bende Tich 16:14, 15; Rumi 12:13; 1 Tim. 3:2; Hib. 13:2; 1 Pet. 4:9.)