Musapudi 3:1-22
3 Bintu byonso bidi na kitatyi kitungwe,Kitatyi kya mingilo yonso muno munshi mwa madiulu:
2 Kitatyi kya kubutulwa ne kitatyi kya kufwa;Kitatyi kya kukuna ne kitatyi kya kutukuna kyakuninwe;
3 Kitatyi kya kwipaya ne kitatyi kya kundapa;Kitatyi kya kupomona ne kitatyi kya kūbaka;
4 Kitatyi kya kudila ne kitatyi kya kusepa;Kitatyi kya kuyoyokota miyoa ne kitatyi kya kuja;*
5 Kitatyi kya kwela mabwe ne kitatyi kya kubungila mabwe pamo;Kitatyi kya kwipamba bīpa ne kitatyi kya kuleka kwipamba bīpa;
6 Kitatyi kya kukimba ne kitatyi kya kuleka kukimba kijimine;Kitatyi kya kubīka ne kitatyi kya kwela;
7 Kitatyi kya kusana+ ne kitatyi kya kusona;Kitatyi kya kwikala talala+ ne kitatyi kya kwisamba;+
8 Kitatyi kya kusanswa ne kitatyi kya kushikwa;+Kitatyi kya divita ne kitatyi kya ndoe.
9 Le mwingidi umwenanga bika mu bukomo bwandi bonso bwalonga?+
10 Namone mwingilo upēne Leza ku bana ba bantu amba bengile’o.
11 I mulonge bintu byonso bilumbuluke* pa kitatyi kyabyo.+ I mutūle’nka ne kitatyi kya nyeke ne nyeke mu mutyima wabo; ino muntu kakasokolapo nansha dimo mwingilo ulongele Leza wa bine tamba ku ngalwilo kutūla ne ku mfulo.
12 Nafula ku kunena’mba i kutupu kintu kipityile buya kobadi kutabuka kusangala ne kulonga biyampe mu būmi bwabo,+
13 kadi amba muntu ense adye, atome ne kusangela mwingilo wandi onso mukomo. I kyabuntu kya Leza.+
14 Nayuka’mba kintu kyonso kilonga Leza wa bine kikekala’ko nyeke. I kutupu kintu kya kubweja’ko ne kintu kya kutalula’ko. Leza wa bine i mulonge’kyo uno muswelo, mwanda wa bantu bamutyine.+
15 Kyonso kilongeka ke kilongeke kala, kadi kyokya kīya kyadi’ko kala;+ ino Leza wa bine ukimbanga kyokya kilondelwelondelwe.*
16 Kadi namone kino muno munshi mwa dyuba amba: Pa kyaba kya bululame padi bubi, ne pa kyaba kya boloke padi bubi.+
17 Ebiya nanena mu mutyima wami amba: “Leza wa bine ukatyibila boloke ne babi bene mambo,+ mwanda kudi kitatyi kya mwingilo onso ne kya kilongwa kyonso.”
18 Kadi nanena monka mu mutyima wami pa mwanda wa bana ba bantu amba, Leza wa bine ukebatompa ne kwibalombola’mba badi pamo’nka bwa banyema,
19 mwanda kudi mfulo ku bantu kadi kudi mfulo ku banyema; abo bonso badi na mfulo imo yonka.+ Mufwila umo, mo mufwila ne mukwabo; kadi abo bonso badi na mushipiditu umo onka.+ O mwanda muntu kapityilepo banyema, mwanda kintu kyonso i kya bitupu.
20 Bonso bendanga ku kifuko kimo.+ Abo bonso batambile ku luvumbi,+ kadi abo bonso bajokelanga ku luvumbi.+
21 Le i ani bine uyukile shi mushipiditu wa bantu ukandanga mūlu, nansha shi mushipiditu wa banyema utūkilanga panshi?+
22 Kadi namwene amba i kutupu kintu kipityile buya ku muntu kutabuka kusangela mwingilo wandi,+ mwanda yo mpalo yandi;* ke-pantu le i ani ubwanya kumukwasha amone kyokya kikalongeka shi aye ke mufwe?+
Kunshi kwa Dyani
^ Kishima pa kishima i, “kutumbuka; kukilakila.”
^ Nansha’mba “senene; biyampe; byendele’mo.”
^ Bibwanika padi i, “kyokya kipityile.”
^ Nansha’mba “kipindi kyandi.”
