Luka mulembi wa Bible wānenene mu nsekununi yandi itala būmi bwa Yesu amba: “Nasekununa na bubinebine bintu byonso tamba ku ñanjilo.”—Luka 1:3.

 Bantu bamo banenanga’mba nsekununi ya būmi bwa Yesu ilembelwe mu Maevanjile, ko kunena’mba bilembwa bya bantu bāikele’ko mu kyandi kitatyi, ba Mateo, Mako, Luka, ne Yoano, byāshintyilwe kyaba kimo mu myaka katwa ka buná.

 Inoko bātene kakipindi ka mvubu ka Evanjile ya Yoano mu Edipito ku ngalwilo kwa myaka katwa ka 20. Pano kayukene bu Papyrus Ryland kadi kabikilwe mu Kibīko kya John Rylands, mu Manchester, mu Angeletele. Padi bilembwa bidi mu Yoano 18:31-33, 37, 38 mu Mabible a dyalelo.

 Kano i kakipindi kayukane ka bilembwa bya kala bya Bisonekwa bya Kingidiki bya Bwine Kidishitu. Bashayuka bavule bakulupile amba kalembelwe mu kintu kya myaka 125 Yesu Ke Mwiye, ko-kunena’mba myaka 25 pa kupwa kulemba bilembwa bibajinjibajinji. Bilembwa bidi pa kano kakipindi bikwatañene na byobya byālembelwe mwenda mafuku.