PINA 107
Mulimu Ulutomezi Mutala wa Lilato
-
1. Jehova Ndate, unani lilato,
Ni luna, lulate.
Mi zaezize lilubonisize
Mwakubela ni lilato.
Mi naalufile mpo ya Mwanaa hae
Kuto kwahela lifoso zaluna.
Le ki lilato lelituna luli!
Mi kamita ki yalilato.
-
2. Halubonisa babañwi lilato
La niti, ka niti,
Lukatusana, mutu ni wahabo,
Babahulu, ni banana.
Lutokwa kuli lulate Mulimu,
Hamohocwalo ni batu babañwi.
Mi luswalele baba lufoseza.
Lubonise lilato luli.
-
3. Ka kulatana, seluswalisani;
Lupila mwa buñwi.
Jehova, Ndate, walumema uli:
“Muikole swalisano.”
Lilato libe sona sizibelo;
Linzwi lahae liluzamaise.
Luhupuliswa ki mizwale kuli
Ndataa luna ki yalilato.
(Mubale ni Maro. 12:10; Maef. 4:3; 2 Pit. 1:7.)