LIKALABO KWA LIPUZO ZA BIBELE

Ki ufi mulelo wa ku kuta kwa Kreste?

Pili Jesu Kreste a si ka kambamela kale kwa lihalimu ka silimo sa 33 C.E., naa sepisize kuli naa ka kuta. Naa ibapanyize ku muuna ya tompeha ya naa ile ku sili ka nako ye telele mi hamulaho a yo kuta inze a filwe maata a ku busa sina mulena. Mulelo wa ku kuta kwa Jesu ki wa kuli a to busa batu ka nzila ye lukile.—Mu bale Luka 19:11, 12.

Kreste u ka kuta inze a na ni mubili o cwañi? Naa zusizwe inze a li sibupiwa sa kwa moya se si sa bonwi. (1 Pitrosi 3:18) Hamulaho wa fo, a ya kwa lihalimu ni ku yo ina ku la bulyo la Mulimu. (Samu 110:1) Hamulaho wa nako, Jesu naa tahisizwe fapilaa Jehova Mulimu, yena “yo Muhulu wa Mazazi,” ya naa mu file maata a ku busa batu. Kacwalo, Jesu ha ka kuta, ha naa ku ba ni mubili wa butu kono u ka ba Mulena ya naa ni mubili wa kwa moya.—Mu bale Daniele 7:13, 14.

Jesu u ka ezañi ha ka taha?

Jesu ha ka taha ni mangeloi a hae inzaa na ni mubili wa moya, u ka atula batu. U ka sinya batu ba ba maswe ni ku fa bupilo bo bu sa feli kwa batu ba ba amuhela puso ya hae.—Mu bale Mateu 25:31-33, 46.

Jesu ha ka busa sina Mulena u ka cinca lifasi ku li bisa paradaisi. U ka zusa bafu ka mulelo wa kuli ba ikole ku pila fa lifasi le li li Paradaisi.—Mu bale Luka 23:42, 43.

Kuli mu bale litaba ze ñata, mu bone makepe 73-85 a buka ye, Bibele i Lutañi Luli?, ye hatisizwe ki Lipaki za Jehova

Mwa kona ku ikungela yona fa Webusaiti ya www.isa4310.com

[Siswaniso se si fa likepe 16]

Jesu u ka busa hande batu