Kaufelaa Luna Lubata Kuto Pila Bupilo Bobunde Kwapili
Mubata kuto pila bupilo bobucwañi kwapili? Sina feela mobabatela batu babañata, ni mina mubata kuto pila bupilo bobunde ni lubasi lwamina kwapili, ili kupila ka tabo, ka kozo, mwa buiketo, inze munani buikangulo bobunde.
Nihakulicwalo, batu babañata bakakanyanga ka za haiba bakayo pila bupilo bobatabela kwapili. Baiponezi miinelo yetilo ezahala ka sipundumukela, yecwale ka butuku bwa COVID-19—ili bobufilikanyize lika zeñata, kutotobeza sifumu sa linaha, mane ni kubulaya batu babañata. Bakeñisa miinelo yeo, baikutwa kuli habakoni kuto pila bupilo bobunde kwapili.
Bakeñisa kuli habazibi hande zekaezahala kwapili, batu babañata baikataza kuziba zekona kubatusa kuto pila bupilo bobunde kwapili. Babañwi bakupanga tuso kwa batu babanuhanga. Babañata bona baekezanga kwa lituto zabona za kwa sikolo kamba kubata hahulu sifumu, ka kunahana kuli mwendi lika zeo lika batusa kufumana zebabata. Babañwi bona baikutwanga kuli kuba mutu yomunde ki kona feela kokukona kutusa mutu kuto pila bupilo bobunde.
Kana lika zelunyakisisize zeo zakona kumitusa kuto pila bupilo bomutabela? Kuli muzibe kalabo, munyakisise lipuzo zelatelela:
Bupilo bwamina bwa kwapili buitingile fañi?
Kana tuto ya kwa sikolo ni masheleñi zakona kumitusa kuto pila bupilo bobunde kwapili?
Kana kuba ni mikwa yeminde kwakona kumitusa kuto pila bupilo bobunde kwapili?
Ki nto mañi yekona kumitusa kuto pila bupilo bobunde kwapili?
Magazini ye ya Tawala ya Mulibeleli yakona kumitusa kualaba lipuzo zeo.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Mubuso wa Mulimu ki Nto Mañi?
Mwa bukombwa bwahae kaufela, Jesu naalutile hahulu za Mubuso wa Mulimu kufita taba ifi kamba ifi. Balateleli bahae base balapezi ka lilimo-limo kuli Mubuso wo utahe.
LIKALABO KWA LIPUZO ZA BIBELE
Ki Lika Mañi Zekona Kunitusa Kuba ni Sepo?
Kufumana simbule sesisepahala kuka lutusa kuba ni bupilo bobunde cwale ni sepo yende kwapili.
LITUTO ZA BUTOKWA ZA MWA BIBELE
Lukona Kuikolwisa Cwañi Kuli Litaba Zeñozwi Mwa Bibele ki za Niti?
Haiba Mulimu ki yena musimululi wa Bibele, uziba iswanela kushutana ni libuka zeñwi kaufela.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
