1. Waliwo ekitabo ekireeta

Eri bonna essuubi n’essanyu.

Kirimu obubaka obw’amaanyi;

Buzibula ’maaso; bwa bulamu.

Ekitabo ekyo ye Bayibuli.

Katonda yaluŋŋamya ’bantu be

Abamwagala ne bakiwandiika.

Yabawa amaanyi g’omwoyo gwe.

2. Baawandiika ebintu ebituufu;

Obutonde ’ngeri gye bwajjawo.

Boogera ne ku muntu eyasooka

Ng’olusuku bwe lwamuggibwako.

Boogera ne ku malayika omu

Oyo eyasoomooza Katonda.

Kyavaako ekibi n’ennaku nnyingi,

Naye Yakuwa anaabikomya.

 3. Leero tuli mu kiseera kya ssanyu;

Mukama waffe Kristo afuga.

Tubuulira ’bantu ku Bwakabaka

Bwa Katonda ne bye bunaakola.

Ekitabo kya Katonda makula;

Tuganyulwa nnyo bwe tukisoma.

Kiwa ’bantu emirembe gya nsusso;

Ka kisomebwenga buli muntu.