Ddala Bayibuli Esobola Okunnyamba Okuba n’Amaka Agalimu Essanyu?
Bayibuli ky’egamba
Yee. Gano ge gamu ku magezi ageesigamiziddwa ku Bayibuli agayambye abasajja n’abakazi bukadde na bukadde okufuna essanyu mu maka gaabwe:
Muwandiise obufumbo bwammwe. Obufumbo obuwandiise mu mateeka bubaamu essanyu kubanga muba mweyamye okuba mwembi obulamu bwammwe bwonna.—Matayo 19:4-6.
Mwagalane nnyo era muwaŋŋane ekitiibwa. Kino kizingiramu okuyisa omwami wo oba mukyala wo nga bwe wandyagadde akuyise.—Matayo 7:12; Abeefeso 5:25, 33.
Mwewale ebigambo ebirumya. Munno ne bw’aba akoze ekintu ekikunyiiza, yogera mu ngeri ey’ekisa. (Abeefeso 4:31, 32) Mu Engero 15:1, Bayibuli egamba nti: “Okuddamu n’eggonjebwa kukkakkanya ekiruyi, naye ekigambo eky’ekkayu kireeta obusungu.”
Buli omu abe mwesigwa eri munne. Weewale obwenzi era omukwano gwo gukuumire munno yekka. (Matayo 5:28) Bayibuli egamba nti: “Obufumbo bubeerenga bwa kitiibwa eri bonna, era ekitanda ky’abafumbo kibeerenga kirongoofu.”—Abebbulaniya 13:4.
Mutendeke abaana bammwe nga mubalaga okwagala. Weewale okubakuza ekyejo, naye era toba mukambwe nnyo gye bali.—Engero 29:15; Abakkolosaayi 3:21.
Era Oyinza Okwagala Okusoma Ebitundu Bino
AMAKA GAMMWE GASOBOLA OKUBAAMU ESSANYU
Mukolere ku Bulagirizi bwa Katonda
Okwebuuza ebibuuzo bibiri kisobola okulongoosa obufumbo bwammwe.
OBUFUMBO N’AMAKA
Okuba n’Obufumbo Obulimu Essanyu: Laga Okwagala
Emirimu, ebyeraliikiriza, era n’ebizibu ebirala ebibaawo mu bulamu bisobola okuleetera abafumbo okuddirira mu kulagaŋŋana okwagala. Kisoboka okuddamu okulagaŋŋana okwagala okwa nnamaddala?
EBITUKWATAKO
Saba Omuntu Akukyalire
Mukubaganye ebirowoozo ku kibuuzo ekikwata ku Bayibuli oba yiga ebisingawo ebikwata ku Bajulirwa ba Yakuwa.