Bibila ka dizonzelaka Armagedo ko ntiana muzingu wa tizunga timosi, kâ muzingu wa nza yayansoni ha kati dia Nzanbi na guvernema zazansoni za bantu.

•   “Nzonzolo yitûkaka kwe bademo [. . .] yidukaka kwe mitinu mia mutoto wawansoni, mu ba kutakasa mu bungu dia muzingu wa tilumbu tia tinene tia Nzambi Nkwa-Ngolo-Zazansoni. [. . .] Bawu babakutakase mu mbuka yi batâka mu Hebre Armagedo.”—Nzabukusu 16:14, 16.

 Ntêlo ya “Armagedo” mu ntêlo ya hebre ya Har Meghid·dohnʹ yatûka, yizolo tâka “Mongo wa Megido.” Megido hata diabâ dia tizunga tia Israele ya ntama. Ntiangu bantu bakaka babanzaka ti Armagedo ku Israele yibatikila. Kâ, tizunga tia Megido na bizunga biakaka bia ku Moyen-Orient ka biena bia nkatika bia binene ko mu bwana “mitinu mia mutoto wawansoni” na binwani biawu.

 Mukanda wa Nzabukusu mu “bifwani” batsonekena wo, peleko mu nzonzolo ya bifwani. (Nzabukusu 1:1) Armagedo ka yena mbuka ko, kâ musamu wena wuturila nza yayansoni, mpe wutuma makanda mamansoni mu kutakasa ngolo zawu zazansoni mu telamana lutumu lwa Nzambi.—Nzabukusu 19:11-16, 19-21.