Muvu batêle muvu, Mbangi za Yehova na milio za bantu ba batikisaka mu nza yayansoni bakutakanaka mu kembela Mbambukulu ya lufwa lwa Yezu, buna bu katumina wo. (Like 22:19) Mukembo wo beto wubakisaka mu bakula nsasa ya mio mia yirika Yezu bu kahana luzingu lwandi mu bungu dia bantu. Mukembo wo wusongele bwe wutâ zololo tâ mu bungu dia beto—bwawu bu na mu bilumbu bita kwiza.—Za 3:16.

 Ni bu kwenda ku Mbambukulu peleko kâni, bwe lendi bakila ndandu mu lufwa lwa Yezu? Yezu walongesa ti tufweti sa bima biole bia mfunu:

1.  1. Longoka mu zaba Nzambi na Yezu. Mu lusambulu lumosi, Yezu watâ: “Luzingu lwa mankululu luzololo tâ, balongoka mu ku zaba Nge, Nzambi ya yimosi ya matielaka, na Yezu Kristo wu watambika.”—Za 17:3.

2.  2. Sarila misamu mi longokaka. Yezu wasongela ti tufweti sarilaka ndongosolo zandi mu luzingu. Mu tifwani, Yandi wamanisina tinzonzi tiandi tia ha zulu mongo bu kasîka muna muntu waketi “wâ misamu [mi katâ] mpe [waketi mia] sarila.” (Like 6:46-48) Tilumbu tiakaka mpe, Yandi watâ: “Tala ti misamu mi mia luzebi, nsayi tala ti mia lusarilaka.”—Za 13:17.

 Ngano zololo wazaba Nzambi na Yezu? Ngano nsatu malongi ye naku mu mpila ya sarila misamu mi ta longoka? Lendi mona ha banda misamu milendi ku bakisa.

 Ndongokolo’eto ya Bibila yabakisa bantu babingi mu taluzulaka Bibila na mu sarila dio mu luzingu lwawu.

•   Yêla mu tala ndongokolo’eto ya Bibila na mulongi mu tomo zaba programe yo.

•   Tala video ya Mpila yi yôkela ndongokolo’aku ya Bibila mu mona bwe ndongokolo ya Bibila na Mbangi za Yehova yiyôkelaka.

 Mbangi za Yehova mbala zole zikutakanaka mu lumingu mu mbuka zawu za nsambululu zi bazabiri mu nkumbu ya Nzo za Nsambululu. Ku tukutakanu, Bibila tuzonzelaka na mpila ya sarila ndongosolo za Bibila mu luzingu.

 Muntu ni muntu wulendi kwiza ku lututakanu; ka wena na nsatu ko ya bâ Mbangi ya Yehova mu kwiza. Tintwari na misamu mia tizunga, lendi bâ ku tukutakanu ku Nzo ya Nsambululu peleko mu vidéoconférence.

•   Tala video ya Ngano nti biyôkaka ku Nzo ya Nsambululu? Mu zaba misamu miyôkaka kûna.

•   Zaba lukutakanu lwe penepene mu tinima tia tukutakanu twa Mbangi za Yehova mu jw.org.

 Mitu-diambu miamingi na video mu site’eto milendi ku bakisa mu tomo zaba ndongosolo za Yezu na nsasa ya lufwa lwandi.

 Mu tifwani, mu zaba bwe lufwa lwa muntu wumosi lutinaka ndandu kwe milio za bantu, tanga mutu-diambu wa “Bwe Yezu katuvukisila?” na wa “Mu bungu dia nti Yezu kamwina mpasi mpe kafwila?” peleko tala video ya Mu bungu dia nti Yezu kafwila?