Tintwari na rapore yimosi ya môna, a kampe muntu wumosi ha kati dia bantu bayà wumonaka ti yandi kaka kwa wena.

•   “Bukaka bulendi tûrila muntu ni muntu, wa mvula ni mvula, kûma ni kûma.”—Chido Mpemba, mfumu yimosi ya Commission sur les liens sociaux ya OMS.

 Ntiana bu banzaka bantu bakaka, bukaka ka butûrilaka kwa bantu ba nuna ko peleko bô babâka bawu kaka, kâ na bantwenia mpe, bô bê na tikolela tia mbote, bamvwama na bantu ba kwela. Bukaka bulendi tomo bebesa tikolela tia nitu na tia mbanzulu kwe muntu.

•   “Bukaka ka zena kwa mbanzulu za mbi ko,” ntiana bwa tâ Dr. Vivek Murthy, chirurgien général des États-Unis. Yandi vutulu tâ: “Nsobolo zi nataka bukaka zidelakane na za muntu wunwaka mamfumu 15 mu tilumbu.”

 M’vangi’eto ka zololo’â ko ti tabâka ha beto kaka. Tûka ntama kani dia Nzambi ni mu mona bantu babâ mu tintwari, na ndiku za mbote.

•   Mutieno wa Bibila: “Yehova watâ: ‘Ka bwena bubote ko ti muntu kabâ yandi kaka. Tibakisi timudelakane nimuyirikila.’”—Mbatukulu 2:18.

 Nzambi zololo ti takurisa tindiku tieto na Yandi. Yandi tu kanisini mu pusana kwe beto, bu tukwe se ngolo za pusana kwe Yandi.—Zaki 4:8.

•   Mutieno wa Bibila: “Nsayi kwe bô bazebi nsatu zawu za timpeve, mu bungu ti Timfumu tia mazulu tia bawu tiena.”—Matie 5:3.

 Nzambi zololo ti tamusambilaka tintwari na bantu bakaka. Bu tusilaka bo, beto wubakisaka mu tomo bâ mu nsayi.

•   Mutieno wa Bibila: “Takipasanakeno beto na beto mu sarila luzolo na nsalulu za mbote; ka tuyambirikandi tukutakanu tweto, [. . .] kâ tatitindisaka mu tintwari.—Bahebre 10:24, 25.

 Mu baka nsangu zakaka zisongelaka mu bungu dia nti we mfunu telamana bukaka, tanga mutu-diambu wa “La solitude à l’ère de la communication.”