Kampe miliare 5 za bantu bafweti tala coupe du monde ya football yiyôka tûka 20 novembre tii 18 décembre 2022. Bantu babingi babanzaka ti misamu mia mpila yo milendi nata ndandu yôka bumosi bubâka na bantu mu tala match za football.

•   “Sport yilendi sobesa nza. Sport yilendi hana mabanza ma mbote. Sport yilendi vukasa bantu yôka tima ni tima.”—Nelson Mandela, Mfumu ya ntama ya ku Afrique du Sud.

•   “Football [. . .] bantu yivukasaka mu tivuvu, bantu yivukasaka mu nsayi, bantu yivukasaka mu luzolo, na mu luswaswanu lwawu.”—Gianni Infantino, Mfumu ya FIFA. a

 Ngano coupe du monde peleko misamu miakaka mia sport, bilendi lungisa misamu mia mpila yo? Ngano tivuvu tie kô mu bungu dia tidzunu na bumosi?

 Coupe du monde ya muvu wu yayôkele football ya mpamba. Nsaka zo zatulumuni biyuvu mu misamu mitariri nsatu za bantu na politike, nswa mia bantu, titantu tia mukanda-nitu, na misamu mia mbaya.

 Diangana, bantu babingi babanzaka ti nsaka za sport ntiana coupe du monde, nsayi yayingi zinataka. Kâ, ni bu sa ti bantu bakekolo wo, misamu mio ka milendi’â mianata bumosi bwa mankululu ko. Dieka bo, ndiatulu na nsalulu zihambasaka basongelaka, zi batâka mu Bibila ti, mbo zimoneka mu ntangu yi batâka “bilumbu bia mansukina.”—2 Timote 3:1-5.

 Bibila nkatika tivuvu dihanaka mu bungu dia bumosi bwa nza. Bibila dikanisini ti bantu babansoni ha mutoto mbo babâ mu lutumu lwa guvernema ya ku zulu yi batâka “Timfumu tia Nzambi.”—Like 4:43; Matie 6:10.

 Mutinu wa Timfumu tiango, Yezu Kristo, mbo kasa miamiansoni ngatu nza yabâ mu tidzunu. Bibila ditêle:

•   “Bantu ba sungama mbo bafula, mpe tidzunu mbo tisampa.”—Mikunga 72:7.

•   “Yandi mbo kavukisa mputu yita mu lomba lubakusu [. . .] Yandi mbo kabakûla mu nkwamusu na mu miangu.”—Mikunga 72:12, 14.

 Lumbu ti mpe, ndongosolo za Yezu zavukase bantu ba nsi yôka 239. Bawu balongekele mu bika diki. Mu zaba misamu miakaka, tanga tikunku tia mitu-diambu mia mu Internet titêle “Nunga musamu wa diki.”