Muzingu wa ku Ukraine watomono songela ti mfumu za mabundu ma Bakristo zazingi zisingasaka muzingu. Taleno bwe mfumu zango zikotelaka mu muzingu:

•   “Mukembo na matondo kwe binwani bieto bianwanini hata diawu dia Ukraine mu bungu dia bô bata dia kotela [. . .] Mitima mieto, tusambulu tweto twa nsungu na lubakusu lweto penepene biena na beno.”—Metropolitan Epiphanius I of Kyiv, as reported in The Jerusalem Post, 16 mars 2022.

•   “Mfumu ya dibundu dia Orthodoxe ku Russie yakubikiri programe ya nsambululu dimanche mu bungu dia binwani bia nsi ya Russie, bu kabalombele mu nwanina nsi’awu “ntiana kwa bu lendi bwa sila bantu ba ku Russie.” Mfumu za Russie zitatamane mu muzingu ku Ukraine.”—Reuters, 3 avril 2022.

 Ngano Bakristo bafweti kota mu muzingu? Ngano Bibila bwe ditâka?

 Bibila disongele ti bô batomo landaka Yezu Kristo ka bakotaka muzingu ko.

•   “Kârisa mbele’aku ya muzingu ha tibuka tiandi, mu bungu ti bô babonga mbele ya muzingu, mu mbele ya muzingu bafwila.”—Matie 26:52.

   Ngano muntu wutambulaka muzingu peleko wunwanaka muzingu, Yezu wutomo tumamanaka?

•   “Ntumunu ya môna nita lu hana: lwazolosono beno na beno ntiana bu naluzololo; ntiana bu naluzololo, beno mpe zolosonoeno beno na beno. Ni bo, bantu babansoni bazabila ti beno milongoki miani miena—tala ti lubêle na luzolo beno na beno.”—Za 13:34, 35.

   Ngano muntu wuyikaka moko mu muzingu luzolo lwa zongela Yezu wusarilaka, lusongelaka milongoki miandi peleko bisari biandi?

 Mu baka nsangu zakaka, tanga mutu-diambu wa “Ngano muzingu wudelakane na bukristo?”

 Ngano wudelakane ti Bakristo bakala mu kota mu mizungu bwawu bu? Yee. Bibila diazonzela ntangu ya beto, ntangu yi batâka “bilumbu bia mansukina,” yaketi bâ na bantu ‘baketi lembo vutu longoka muzingu,’ tintwari na ndongosolo za Yezu.—Izaya 2:2, 4, note.

•   Tanga tikunku tia mitu-diambu mia Nzo ya Zangama ya Munkengi mitêle: “Bwe Nzambi kamwika muzingu?” mu nsangu zakaka.

 Ntamana kwa Yehova, a “Nzambi ya tidzunu,” mbo kasarila guvernema’andi ye ku zulu mu kûla bantu “mu mfietokoso na miangu.”—Bisi-Filipe 4:9; Mikunga 72:14.

•   Mu mona bwe, tala video ya Ngano Timfumu tia Nzambi ni nti?